Qarýsyzdaný kóshbasshysy

Senat Tóraǵasy Qasym-Jomart Toqaev Ǵylym jáne álem isteri jónindegi Pagýosh konferensııasynyń (Pagýosh ǵa­lymdar qozǵalysy) Bas hatshysy Paolo Kotta Ramýsıno men osy uıymnyń atqarýshy dırektory Sandra Iono Batcherdi qabyldady, dep habarlady osy palatanyń baspasóz qyzmeti. Pagýosh qozǵalysy beıbitshilik, qarýsyzdaný, qaýipsizdik jáne ǵylymı yntymaqtastyq jolyndaǵy ǵalymdardyń, saıası jáne qoǵamdyq qaıratkerlerdiń iri halyqaralyq uıymy bolyp tabylady. Uıym ataýy 1957 jyly Kanadanyń Pagýosh qalasynda alǵashqy konferensııasy ótken jerge baılanysty qoıylsa, Rassel-Eınshteın manıfesi qozǵalystyń negizgi qujatyna aınaldy. Uıym qarýsyzdaný jáne qaýipsizdik salasyndaǵy kóptarapty negizgi kelisimderdi: Iаdrolyq qarýdy atmosferada, ǵarysh keńistiginde jáne sý astynda synaýǵa tyıym salý týraly shart; Iаdrolyq qarýdy taratpaý týraly shart; Zymyranǵa qarsy qorǵanys júıesin shekteý týraly shart; Bıologııalyq jáne hımııalyq qarý túrlerine tyıym salý týraly konvensııa; Eýropadaǵy kádimgi qarýlar týraly shart jáne basqa qujattardy ázirleý men qabyldaýda mańyzdy ról atqardy. 1995 jyly uıym Nobeldiń beıbitshilik syılyǵyna ıe boldy. Qozǵalys ókilderiniń piki­rin­she, Qazaqstan ǵalymdardyń 2017 jyly mereıtoılyq kezdesýin ótki­zý úshin eń laıyqty oryn bolyp tabylady, óıtkeni, Qazaqstan hal­qy ıadrolyq synaq zardaptaryn óz basynan ótkerdi, al qazirgi kezde Prezıdent Nursultan Nazarbaev­tyń jetekshiligimen memleket ıadro­lyq qarýsyzdaný máseleleri boı­ynsha jetekshi el bolyp moıyndaldy. Q.Toqaev Pagýosh qozǵalysy ıadrolyq qarýsyzdaný jáne ony ta­rat­paýǵa, sondaı-aq, shıelenisterdi retteýge ǵalymdardyń qosqan qomaqty úlesi úshin Qazaqstanda qurmetke ıe ekenin atap ótip, uıym basshylyǵynyń saparyna jyly shyraı bildirdi. Q.Toqaevtyń aıtýynsha, álemdik qoǵamdastyq Pre­zıdent N.Nazarbaevty ıadrolyq qarýǵa qarsy qozǵalystyń kóshbas­shysy dep sanaıdy, sondyqtan Qazaqstanda Pagýosh konferensııa­syn laıyqty ótkizý máseleleri Úkimette pysyqtalatyn bolady.