Zeınetaqy kólemi – 32 mıllıon rýbl...

Reseıdiń Sverdlov oblysynda turatyn zeınetker áıel qaıta esepteýden keıingi tólem boıynsha eki aıdyń kóleminde... 32 mıllıon rýbl aqsha alady. Buǵan deıin ádette 16 myń rýbl ǵana alyp kelgen qarııa qatty tań qalǵandyqtan, aqshasyn da kóp asa jarata qoımaıdy. Oqıǵa ótken jyldyń so­ńyna qaraı oryn alǵan eken. Zeınetkerge ulǵaıtylǵan zeınet­aqy qarasha jáne jeltoqsan aılarynda ákelip berilgen kó­rinedi. Alaıda, «Iýjnyı Ýral» memlekettik kásipornynyń qyz­metkerleri ózderiniń taraptarynan ketken bul kemshilikti osy jyldyń basynda ǵana ańǵarypty. Sodan keıin zeınetaqy qorynyń qyzmetkerleri qustaı ushyp, zeınetkerge qaıta kelgen. «Qazir barlyq soma qaı­ta­ry­lyp alyndy. Al zeınetker áıel 30 myń rýbldi jaratyp úlgeripti degen qaýesette shyn­dyq joq. Kerisinshe, ol kisi mun­shalyqty kóp aqsha alǵasyn, oǵan qatty kúmán keltirip, jaratýǵa da qoryqqan sııaqty. Onyń ústine, bul kisiniń óte tártipti adam eke­nin burynnan bilemiz», – dedi zeı­netaqy qory Iýjnoýralsk bólim­shesiniń bastyǵy Lıýbov Pımenova. Biraq osyndaı orasholaqtyq jasap alǵan bólimshe bastyǵynyń máselesi sheshilip te qoıǵan sııaqty. Qazir eńbek demalysynda júrgen onyń bul orynda uzaq otyra almaıtyn túri bar. Rýslan IGILIK.