Partııalyq baqylaý pármendi bolady

Jergilikti polısııanyń jumys jasaı bastaǵanyna kóp bola qoıǵan joq. Degenmen, jańa qurylymdaǵy polısııa qyzmetkerleriniń jumysyna «Nur Otan» partııasy tarapynan baqylaý jasaýdyń artyqtyǵy bolmaıtyn sekildi. Buǵan atalǵan partııanyń Atyraý oblystyq fılıaly uıymdastyrǵan medıatýr barysynda kóz jetkizdik. Fılıal tóraǵasynyń birin­shi orynbasary Erbolat Bekte­mi­­rov bastaǵan top aldymen tur­­mys­tyq zorlyq-zomby­lyqqa ushy­raǵan áıelderge kómek kór­setý ortalyǵynyń bólimshe­sinde jumys barysymen tanys­ty. Bólimshe meńgerýshisi Aıbar­shyn Imanǵalıevanyń pikirin­she, 20 orynǵa laıyqtalǵan bólim­she­ge jergilikti polısııa qyzmet­ker­leriniń baıanaty boıynsha adamdar qabyldanady. О́ıtkeni, áıelderdiń turmystyq zorlyq-zombylyqqa ushyraǵanyn tek polısııa qyzmetkerleri ǵana dáleldegennen keıin olar bul bólimsheni zorlyq-zombylyqqa ushyraǵan áıelder úsh aıǵa panalaı alady. Úsh aıdyń ishinde olardy ómirge beıimdeý, quqyq­tyq saýattylyǵyn arttyrý maq­satynda zańger, psıholog, med­bıke sekildi arnaıy mamandar ju­mys júrgizedi. Qazir munda 3 áıel, 8 bala bar. Bir áıel jumys jasaıdy. 4 bala mektepke barady eken. «Bizdiń maqsatymyz osy bólimshege kel­gen áıelderdiń otbasyn saq­tap qalýǵa jaǵdaı jasaý. Otba­sylyq kıkiljińniń negizgi saldary 2012 jyldan bólimshege 101 adam­nyń 53 paıyzy otbasyn saq­tap qaldy, 10 paıyzy ajy­rasty. Keıbireýleri kúıeýinen er­terek ajyrasqanymen, óz týys­qan­darynan, dálirek aıtqanda, ata-anasynan, ne aǵasynan zorlyq-zom­bylyqqa ushyraıtyndary da bar», – deıdi Aıbarshyn Iman­ǵalıeva. Bólimshege túrli zorlyqqa ushyraǵandar keledi. Olardyń arasynda jeńil, tipti, aýyr ja­ra­qatpen keletinder de kezde­sipti. Degenmen, mundaǵy turǵyn­nyń biri – E.Prıdanova. Onyń taǵdyry osy kezge deıin belgisiz bolyp keldi. Tipti, ony týysta­ry ómirden óttige sanap, quqyq qor­ǵaý organdary arqyly tiri­ler sanatynan shyǵarylyp tastalǵan. О́ıtkeni, ol azamattyq nekedegi N.Orlovpen birge sharýa qojalyǵynyń birinde jumys jasap, týystarynan habar úzip alǵan. Keıin olar turatyn baspana órtenip, qujattarynan aıyrylyp qalǵan. Olardyń ekeýinde de, úsh balasynda da jeke basyn kýá­lan­dyratyn qujattary joq. Qazir E.Prıdanova arnaıy komıs­sııanyń sheshimine sáıkes úsh balasymen osynda turyp jatyr. «Nur Otan» partııasynyń músheleri budan soń turǵylyqty jeri joqtardy jáne ákimshilik jazalanǵandardy qabyldaý-taratý bólimshesine keldi. Munda Atyraý qalalyq jergilikti polısııa bólimshesiniń basshysy Erlan Bıǵambaevtyń aıtýynsha, negizinen taıaý shetelderdiń, sonyń ishinde, О́zbekstan Respýblıkasy men Reseı Federasııasynyń azamattary kóbirek túsedi. Olar­dyń kóbi jumys babymen kelip, qujattaryn joǵaltyp alady. Mundaılar polısııa qyz­met­kerleriniń jedel-profılak­tıkalyq sharasy barysynda anyqtalyp jatady. Qazir atal­ǵan bólimshede 24 adam jatyr. Olardyń deni О́zbekstan Respýb­lıkasynyń azamattary, arasynda áıelder de bar. Tipti, jergilikti turǵyndar da kezdesedi. Árıne, 24 adamnyń bári birdeı qujatyn joǵaltqandar emes. Keıde ákimshilik sottyń qaýlysymen ákimshilik qamaqqa alynǵandar da osynda jatady. Máselen, byltyr munda 5 164 adam ákelinse, tek bıylǵy qańtarda ǵana 422 adam «mekendep» úlgergen. – Maqsatymyz – jergilikti polısııa qyzmetine pármendi ba­qylaý jasaý. Sol sebepten, jer­gilikti polısııaǵa qarasty ny­sandarǵa reıd jasap, «turǵyn­darynyń» ahýalyn bilý, sonymen birge, osynda jumys jasaıtyn mamandardyń problemalyq máselelerine kóz jetkizý. «Nur Otan» partııasy aldaǵy ýaqytta jergilikti polı­sııa qyzmetiniń jumysy tıimdi bolýy úshin partııalyq baqylaý­dy kúsheıtedi. Máslıhat depýtattary aldynda jergilikti polısııa basshylarynyń esep berýine yqpal etemiz, – dedi «Nur Otan» partııasy Atyraý oblystyq fılıaly tóraǵasynyń birinshi orynbasary Erbolat Bektemirov. Joldasbek ShО́PEǴUL, «Egemen Qazaqstan». Atyraý oblysy.