Atyraý kásiporyndary

joǵary oqý oryndaryn bitiretin jalǵyzilikti túlekterdi jumysqa ornalastyrýǵa ynta tanytty Atyraýda tórt jyldan beri «Sátti qadam» jobasymen joǵary oqý oryndarynyń túlekterin iri kásip­­­oryndarǵa áýeli is-tájirıbeden ótkizý jobasy qolǵa alynyp keledi. Máselen, «Jas Otan» jastar qanaty Atyraý oblystyq fılıalynyń tóraǵasy Asqar Bopyldyqovtyń aıtýynsha, ótken jyly osyndaı jo­baǵa 60 túlek qatysqan. Úsh aılyq is-tájirıbeden ótýge tartylǵan olar­dyń deni óz betimen jumys tapsa, 2 túlek qana joba boıynsha turaqty jumysqa tartylypty. Endi bıyl bul jobaǵa ata-ana qamqorlyǵynsyz qalǵan túlekterdi tartý kózdelip otyr. Osyǵan oraı «Jas Otan» jastar qanaty Atyraý oblystyq fılıaly men úsh iri kásip­oryn – Atyraý munaı óńdeý zaýyty, Atyraý temir-jol bólimshesi jáne «QazTranGaz» kompanııasynyń óńirlik fılıaly arasynda memo­randýmǵa qol qoıyldy. Túlekterdiń is-tájirıbeden ótýine ynta tanytyp otyrǵan kásiporynnyń biri – Aty­raý munaı óńdeý zaýyty buǵan deıin de stýdentterge qoldaý kórsetetinderdiń qatarynan sana­lady. Byltyr bul kásiporyn 340 stýdentti tájirıbeden ótkizipti. Atal­ǵan kásiporynnyń personaldarmen jumys jáne eńbekaqy tóleý basqarmasynyń bólim basshysy Ásel Jaılashovanyń aıtýyna qaraǵanda, munaı óńdeý zaýytyna hımııalyq tehnologııalar men organıkalyq zattar jáne mashına qurastyrý mamandyqtaryn meńgergen túlekter kóbirek qajet etiledi. Kásiporyn elimizde osyndaı mamandyqtardy daıyndaıtyn birneshe joǵary oqý oryndarymen kelisimge saı stýdentterdiń óndiristik tájirıbeden ótýine qol­daýyn kórsetip keledi. Al «Qazaq­stan temir joly» UK Atyraý jol bólimshesiniń bólim basshysy Baýyrjan Qartannyń aıtýyna qaraǵanda, bul salada logıstıkany damytýǵa basym baǵyt ustalyp otyr. Sol sebepten, Atyraý munaı jáne gaz ınstıtýtynda temir jol kóligi salasyna qajetti mamandardy birlese daıyndaýǵa kóńil aýdarylady. – Biz osy joba arqyly joǵary oqý ornyn bitirgen túlekterdiń iri kásiporyndarda tájirıbeden ótip, keleshekte jumysqa turýyna atsalysýdy kózdedik. Buryn túlek­terdiń ynta tanytýshylaryn jobaǵa tartqan bolsaq, bıyl ata-ana qam­qorlyǵynsyz qalǵan túlekterge basymdyq berip otyrmyz. Búgin kásip­oryn ynta tanytyp, bizben kelisimge qol qoıdy. Endi osy aıdyń sońyna deıin taǵy da 20-ǵa jýyq iri kásiporyndarmen kelisimge qol qoıý josparlanyp otyr. Olardyń arasynda iri munaı kompanııalary, memlekettik mekemeler bar, – dedi «Jas Otan» jastar qanaty Atyraý oblystyq fılıalynyń tóraǵasy Asqar Bopyldyqov. Atyraý munaı jáne gaz ıns­tı­týtynyń stýdenti Gúlhanym О́tesh­­qa­lıeva bıyl materıal taný jáne jańa materıaldar tehnologııasy mamandyǵyn meńgerip shyqpaq. Bola­shaqta munaı-gaz salasyndaǵy kásiporyndarda, sonyń ishinde, munaı óńdeý baǵytynda jumysqa ornalasýdy kózdeıdi. «О́ıtkeni, munaı óńdeý salasynda ınnovasııalyq jáne nanotehnologııalardy qoldaný qajettigi týyndap otyr. О́zim osyǵan úlesimdi qosqym keledi», deıdi ol. Joldasbek ShО́PEǴUL, «Egemen Qazaqstan».  ATYRAÝ.