Atyraýda qarýdy zańsyz saqtaýshy jaýapqa tartyldy

ATYRAÝ. 16 aqpan. Atyraý oblysynda ańshy qarýyn zańsyz saqtaýshyǵa 42 420 teńge aıyppul salyndy. Qarýy tárkilendi. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady. Qyzylqoǵa aýdanynyń turǵyny ishki ister organdarynda tirkelmegen tegis uńǵyly, ZK modeldi, 16 kalıbrli ańshy qarýyn turǵyn úıinde zańsyz saqtap kelgen. Osyǵan baılanysty Qyzylqoǵa aýdandyq sotynda qaralǵan  quqyqbuzýshyǵa qatysty ákimshilik is barysynda onyń turǵyn úıinde tıisti qujatsyz, tirkelmegen qarýdy saqtaǵany anyqtyldy. Muny quqyq buzýshynyń ózi de rastap berdi. Al oblystyq ishki ister departamenti jedel-krımınalıstıka bóliminiń mamany óz qorytyndysynda zańsyz saqtalǵan qarýdyń atýǵa jaramdy ekenin anyqtap bergen. Demek, bul qarýdyń zańsyz saqtalýy qaýipti ekenin baıqatady. Osyndaı jaıttar eskerilgen aýdandyq sottyń qaýlysymen atylatyn qarýdy zańsyz saqtaýshy Ákimshilik quqyq buzýshylyq týraly kodekstiń 482-babynyń 1-bóligimen kináli dep tanyldy. Sondaı-aq, kináliniń qarýy tárkilenip, oǵan 20 aılyq eseptik kórsetkish mólsherindegi 42 420 teńgelik aıyppul salyndy. Joldasbek Shópeǵul. Derek: Atyraý oblystyq sotynyń baspasóz qyzmeti. Sýret: kz.otyrar.kz.