ASTANA. 16 aqpan. Reseı astanasy Máskeý qalasynda qazaq halyq poezııasynyń áıgili tulǵasy, jyr alyby Jambyl Jabaıulynyń týǵanyna 170 tyl tolýyna oraı ádebı-sazdy kesh ótti. Bul týraly 24.kz saıtyna silteme jasaǵan egemen.kz tilshisi habarlady.
Máskeý ulttar úıinde ótken keshte Jambyl Jabaıulynyń óleńderi oqylyp, aqynǵa arnalǵan kúı tartyldy. Sondaı-aq, kórermender arnaıy túsirilgen beıneúndeýdi tamashalady. Al mundaı ıgi sharany qazaq jastar odaǵy men Qazaqstannyń Reseıdegi elshiligi birlesip uıymdastyrdy.
«Jambyl Jabaev – tek Qazaqstan tarıhynda ǵana emes, Keńes odaǵyna eńbegi sińgen uly tulǵa. Týma talantynyń arqasynda sol kezeńniń ómirin keremetteı sýrettegen kemeńger jan», – deıdi Reseı Jaratylystaný ǵylymdar akademııasynyń múshesi Dına Amanjolova.
«Jambyl – Lenıngrad pen Stalıngrad qalalaryn azat etýge aıtýly úlesin qosqan adam. Onyń otty shyǵarmalary sol kezdiń ózinde-aq, sarbazdarǵa jiger berip, jeńiske qaraı qulshyndyra túsetin. Sondaı-aq, eki eldiń yntymaqtastyǵyn nyǵaıtýǵa sol kezdiń ózinde septigin tıgizgen», – deıdi Reseı ádebı palatasynyń basshysy Georgıı Bregman.
Aıan Ábdýálı.
Derek: 24.kz.
Sýret: massaget.kz.
