Kishi Djordj Býsh AQSh prezıdenttiginen úmitker inisine qoldaý bildirdi

ASTANA. 16 aqpan. Kishi Djordj Býsh alǵash ret inisi Djeb Býshtyń saılaýaldy kampanııasyna qatysty. Bul týraly TASS aqparat agenttigine silteme jasaǵan egemen.kz tilshisi habarlady. AQSh-tyń 43-prezıdenti kishi Djordj Býsh týǵan baýyry – Florıda shtatynyń burynǵy gýbernatory Djeb Býshtyń saılaýaldy kampanııasyna tikeleı qatysty. Djeb Býsh Respýblıkalyq partııa atynan AQSh prezıdenttigine úmitker retinde usynylýǵa qol jetkizgen bolatyn. Eks-prezıdent Kolýmbııa qalasynda ótken saılaýaldy sherýge qatysty. Bul jerde ol «Amerıkalyq legıon» ardagerler uıymynyń múshelerimen kezdesip, keıinnen Charlstonda ótken mıtıngke qatysý úshin jolǵa shyqty. Burynǵy memleket basshysynyń aǵasyn qoldap, saılaýaldy kampanııasynda sóılegen sózin onyń saıası básekelesi, mıllıarder Donald Tramp birden talqyǵa saldy. Ońtústik Karolınada jýrnalıstermen kezdesý kezinde ol: «Eger eks-prezıdent aǵasynyń kampanııasyna qatyssa, onyń burynǵy qyzmetterin jiti tekserýge bolady dep oılaımyn. Atap aıtqanda, qyzmetiniń buryndary nazarǵa alynbaǵan tustaryn», – dedi. Budan buryn baspasóz máslıhaty kezinde Donald Tramp Dúnıejúzilik saýda ortalyǵyna Djordj Býsh prezıdent bolyp turǵan kezde terakt jasalǵanyn birneshe márte eske salǵan edi. AQSh-tyń burynǵy prezıdenti aǵasy Djebke qoldaý kórsetip, saılaýaldy kampanııasynda Ońtústik Karolınada 20 aqpan kúni ótetin saılaýaldy sharaǵa kem degende bir apta qalǵanda sóz sóılegen edi. Bul sharada Florıda shtatynan Respýblıkalyq partııanyń sezi kezinde tańdap alynǵan 50 delegattyń kimge daýys beretini anyqtalatyn bolady. Osy jerde respýblıkashyldardyń AQSh prezıdenttigine resmı úmitkeriniń esimi de atalady. Budan buryn, naqtyraq aıtqanda, 1 aqpanda Nıý-Gempshır shtatynda ótken alǵashqy saılaýlar kezinde Djeb Býshtyń kampanııasyna 90 jastaǵy anasy, burynǵy prezıdent – úlken Djordj Býshtyń jubaıy Barbara da qatysqan edi. Elaman Qońyr. Derek: TASS. Sýret: Reuters.