Neımar 50 mln. dollar aıyppul tóleýge tıis

Álemdegi eń tanymal fýt­bolshylardyń biri Neı­mardyń basyna qara bult úıirildi. Atap aıtqanda, sportshy tap­qan tabysynyń salyǵyn ýa­qytynda tólemese kerek. So­ǵan oraı, Brazılııanyń San-Paýlý federaldy soty onyń ıeligindegi aktıvterdiń aınalymyna tyıym salý týraly sheshim shyǵardy. Qatarynda ushaq, ıahta, jyljymaıtyn múlik syndy qundy dúnıeler bar bul aktıvterdiń jalpy somasy 50 mln. AQSh dollaryna jetip jyǵylady. О́tken jyly Brazılııa so­ty fýtbolshynyń ózin, otba­syn jáne olarǵa tıesili kom­panııany salyq tóleýden jal­tarǵandary úshin aıyptaǵan bolatyn. Taǵylǵan aıyp boıynsha, Neımar «Santos» klýby sapynda oınaǵan 2011-2013 jyldar aralyǵynda memleketke 16 mln. dollar salyq tólemegen. Alaıda, fýtbolshynyń ózi bul aıypty negizsiz dep sanaıdy. Tipti, ol aıyptaýshylarǵa qarsy shaǵymdanyp, federaldy sotqa apellıasııa da bergen. Degenmen, sot onyń shaǵymyn qanaǵattandyrmady. Dál osy sheshim Neımardyń aktıvterine tyıym salýǵa negiz bolyp otyr. Brazılııa ulttyq quramasy men Ispanııanyń «Barselona» komandasynyń oıynshysyna qarsy qozǵalǵan is tek bul emes. Búginde óziniń týǵan elinen bólek, Ispanııada da Neımarǵa qatysty iske tergeý jumystary júrgizilýde. Naqty aıtar bol­saq, «Barselona» oıynshy úshin «San­tosqa» 57,1 mln. eýro tóle­gen. Bul qarajattyń basym bó­ligin fýtbolshynyń ákesine tıesili Neymar Santos kompanııa­sy alǵan. Al tergeý barysynda Ispanııa klýbynyń Neımardyń transferi úshin 83,3 mln. eýro jumsaǵany anyqtalyp otyr. Ernar MUHAMBET.