Músháıra

Elordada «Azattyq aıasynda» atty respýblıkalyq jyr báıgesi ótkiziledi Astana qalasy ákimdiginiń qoldaýymen Sáken Seıfýllın murajaıy osymen altynshy ret ótkizip otyrǵan dástúrli mú­sháıra elimizdiń arqaly aqyn­daryn taǵy da alaman jyr dodasynda óz baqtaryn sy­naýǵa shaqyrady. Bul jolǵy músháı­ranyń altyn qazyǵy, jyr arqaýy – Táýelsizdik! Egemendigine 25 jyl tolǵaly otyrǵan qazaq hal­qynyń budan asqaq, budan kıeli, budan qasıetti merekesi bar ma?! Azattyq aıasynda Qazaq eli qanatyn keń­ge jaıǵan shırek ǵasyr ishinde qanshama jetis­tikterge jettik. Astana salyndy, el irgesi bekidi. Naraqtyń qıyn kezeńderinen óttik. Taǵy da daǵdaryspen betpe-bet kelip otyrmyz. El bolyp ju­mylyp, el yrysyn molaıtyp bul qıyn-qystaý asýdan da asarmyz. Túıindep aıtqanda, músháıranyń basty maqsaty – erkin eldiń búgingi ajary men erteńgi jarqyn keleshegin, ke­she­gi alapat kúresin tebirene jyrǵa qosý, qa­zaq jyrynyń qorjynyna qomaqty olja salý. Aqyndarymyz «Máńgilik El» bolýǵa talpynǵan Uly Dalanyń tarıhı tulǵalaryn el basynan ótken uly oqıǵalarmen ush­tastyra otyryp, iri shyǵar­malar týdyrsa degen tilegimiz bar. Taqyryp aıasy barynsha keń. Kelistire jyrlap, kór­kem shyǵarma týdyrý ár aqyn­nyń óz shabytyna, shama-shar­qyna baılanysty. Endeshe, mań­daıy jarqyraǵan juldyzdy júı­rikterdi jyr máresinde kútemiz! Birinshi oryn – bireý. 1 mln. 500 myń teńge. Ekinshi oryn – ekeý. 1 mln. teńgeden. Úshinshi oryn – ekeý. 500 myń teńgeden. Ynta­landyrý syılyǵy – úsheý. 150 myń teńgeden. Músháıraǵa esh jerde jaryq kórmegen poemalar, tolǵaýlar, toptama óleńder 2016 jylǵy 10 maýsymǵa deıin qabyldanady. Músháıra qorytyndysy As­tana kúni qar­sańynda jarııalanyp, marapattaý rásimi ótedi. Úmitkerler shyǵarmasyn kom­pıýterde terip, 5 danasyn tómendegi mekenjaıǵa jiberýi kerek nemese astanakalamger@mail.ru elektrondy poshtaǵa joldaýǵa bolady. Avtordyń aty-jóni, mekenjaıy, baılanys telefony, elektrondyq posh­tasy (bar bolsa) mindetti túrde kórsetilýi tıis. Indeks: 010000, Astana qa­lasy, M.Áýezov kóshesi 20 «a» úı, Sáken Seıfýllın mura­jaıy. Tel.: 8(7172)32-84-67, 53-34-03. Júldegerlerdiń Astanaǵa kelip-ketýdegi barlyq shyǵynyn uıymdastyrýshy tarap moınyna almaıdy. Serikhan SABYRBEKOV, músháırany uıymdastyrý alqasynyń jaýapty hatshysy.  ASTANA.