«Jańǵaq tal»

Fransııadaǵy kınofestıvaldan eki birdeı júldemen oraldy Sońǵy ýaqytta Sháken Aımanov atyndaǵy «Qazaqfılm» kınostýdııasy túsirgen kartınalardyń ishinde «Jańǵaq tal» fılmi kó­ńilge jyly shýaq uıalatatyn jaq­sy týyndylardyń qatarynan tabylǵan edi. Kınematografııa salasynan habardar jandar ótken jyly rejısser Erlan Nurmuhambetovtiń osy «Jańǵaq tal» fılmi Ko­reıa­daǵy Pýsan festıvalinde kór­setilip, álemdik premerasy júr­genin bi­ledi jáne ol sol dodada da New Currents («Jańa aǵym») seksııasy aıasynda júldege ıe bolǵan-dy. Endi, mine, qazaqstandyq kınokartına Vezýlde ótken (Fransııa) Azııa kınosynyń HHII halyq­aralyq kınofestıvalynda eki bir­deı júldege ıe boldy. Rejısser Erlan Nurmuhambetovtiń kartınasy halyqaralyq qazylardyń arnaýly júldesi men kıno syn­shylarynyń arnaýly júldesin jeńip aldy. Vezýldegi bul kınofestıval Fransııada ǵana emes, Eýropada kópten beri ótkizilip kele jatqan aýqymdy azııalyq kınoforým bolyp tabylady. Ońtústik Qazaqstan obly­synyń Lengir qalasynda túsi­ril­gen «Jań­­ǵaq tal» fılmi – ká­dimgi otba­sylyq qarym-qaty­nas­tarǵa qu­rylǵan týyndy. Irik­teý komıssııa­sy konkýrstyq kór­setilim úshin atal­mysh kartınany úzdik azııalyq kınotýyndylar arasynan tańdap alǵan bolatyn. Festıval aıasynda fransýz kó­rermenderine usynylǵan «Jań­ǵaq tal» fılminiń kórse­tilimine rejısser Erlan Nurmuham­betov­tiń ózi de qatysqan. Qazaqstandyq týyndyǵa báse­keles retinde Qytaı, Japonııa, Oń­tústik Koreıa, Iran, Fılıppın jáne Túrkııa elderiniń 8 kınokartınasy usynylǵan. Solardyń ara­synda jeńip shyqqany – «Jańǵaq tal». Al festıval aıasynda bar­­lyǵy 90-nan astam fılm kórse­tilgen. Aınash ESALI, «Egemen Qazaqstan». Almaty.