Búrkitshiler

Ulany men qyranyn baptaý jaǵy­nan kelgende qazaqtan asqan halyq tórt­kil dúnıede kemde-kem shyǵar. Osy bir úlgi keńes dáýirinde «kem-talant­tardyń» kertartpalyǵynan sırep ketken bolatyn. Biraq qanynda bar halyq ony ótken ǵasyrdyń 80-jyldaryndaǵy jylymyqta qaıta jandandyrǵan. Ulany qyranyn baptap, ózinde bar jaqsylyqty jurtqa tanytqan. Sol úlgi jalǵasyp keledi. О́tken aptanyń sońyna qaraı Almaty oblysy, Eńbekshiqazaq aýdanyna qarasty Sógeti óńirindegi Alataýdyń bir silemi sanalatyn Ilantaýda «Sonar-2016» jarysy tý kótergen edi. Sol sony so­narǵa keń-baıtaq Otanymyzdyń batysy men shyǵysynan, ońtústigi men sol­tústiginen 60-qa jýyq qusbegi óz qy­ranyn qosqan edi. Qorytyndysynda bi­rinshi oryndy Qyzylorda oblysynan kelgen Sarmat Ábdikárimuly, ekinshi oryn­dy astanalyq Arman Kúntýǵan, úshinshi oryndy qostanaılyq Bergenbaı Tastanbek enshilese, qarshyǵa salýdan bi­rinshi oryndy aqtóbelik Aqberen Qur­manǵalıev, ekinshi, úshinshi oryndardy jambyldyq Baqdáýlet Babajanov pen Berik­bosyn Jalǵasuly qanjyǵasyna baılady. Júlde tapsyrý kezinde Almaty oblysy ákiminiń orynbasary Baqtııar О́nerbaev Sógeti óńiriniń kónekóz búr­kitshileri Toqtasyn, Moldajan, Baı­júnis keńes dáýiri kezinde-aq saıat­­shylyqty qolǵa alyp «Jalaıyr Shora» atyndaǵy qoǵamdyq birlestik qurǵanyn, qazir olardan taraǵan bir­neshe urpaqtan turatyn búrkitshiler mektebi qalyptasqanyn atap ótip, osy ıgilikti iske qalamger Baǵdat Múp­tekeqyzynyń uıytqy bolyp júrgenin alǵa tartty. «Egemen-aqparat». Sýretterdi túsirgen Jumabaı MUSABEKOV.