Aýdanda áleýmettik nan baǵasy – 40 teńge

Taıaýda Aqmola oblysynyń ákimi Sergeı Kýlagın óziniń San­dyqtaý aýdanyna barǵan jumys sapary barysynda Balqashına aýylyndaǵy naýbaıhananyń ju­mysymen tanysty. Atalmysh kásiporyn basshysy Taıta Dokaevanyń aıtýynsha, naýbaıhanadaǵy áleýmettik nan baǵasy 40 teńgeni, al 620 gramdyq birinshi surypty bólke nannyń quny 52 teńgeni quraıdy. Atap ótý kerek, 2015 jyly óndiris oshaǵy jeke qarajatqa kúrdeli jóndeýden ótkizilip, 40,0 mln. teńgege sheteldik nan pisirý qondyrǵysyn satyp alǵan. Sóı­tip búginde joba óziniń tolyq qýattylyǵyna enip, táýligine 3500 dana nan jáne nan ónimderin óndiredi. Bul jerde nannyń 20-ǵa jýyq túri men tátti torttar, bálishter de pisirý qolǵa alynǵan. О́tken jyly seriktestik 30 mln. teńgeniń 936 myń bólke nany men 340 myń kondıterlik ónim óndirgen. Kásiporyn basshysynyń aıtýynsha, búginde nandy qolmen pisirý tájirıbesi joqtyń qasy, barly­ǵyn tehnıka jasaıdy, ıaǵnı nandy ıleıdi, bóledi, nan peshine salady. Daıyn ónim Sandyqtaý jáne Zerendi aýdandarynda satylady. «Áleýmettik nan baǵasynyń qunyn qymbattatý josparymyzda joq. Sondyqtan jyl aıaǵyna deıin áleýmettik nan quny 40 teńge bolyp qalady», dedi oblys áki­mine naý­baıhana basshysy Taıta Dokaeva. Baqbergen Amalbek, «Egemen Qazaqstan». Aqmola oblysy.