SharAına

GÝBERNATOR OQQAǴARYNAN AJAL QUShTY Pákstannyń Pendjab provınsııasynyń gýbernatory Salman Ta­sır­di seısenbi kúni óziniń oqqaǵary atyp óltirdi. Bul jóninde jýr­nalısterge Pákstan ishki ister mınıstri Rehman Malık habarlady. Gýbernator oqqaǵarynyń aty-jóni – Hasan Kadrı. Ony sol jerde gýbernatordyń ózge kúzetshileri qarýsyzdandyryp, polı­sııaǵa tapsyrǵan. Oqqaǵardyń moıyndaýynsha, ol gýbernatordy el prezıdentin Muhammed paıǵambardyń atyn balaǵattaǵanyna baılanysty Pákstan sotynyń úkimimen ólim jazasyna kesilgen Asııa Bıbıge keshirim jasaýǵa jarııaly túrde shaqyrǵany úshin atqan. MEDVEDEVTIŃ SAPARY KEIINGE ShEGERILDI Izraıl premer-mınıstri Benıamın Netanıahýdiń pikirinshe, Reseı Prezıdenti Dmıtrıı Medvedevtiń Izraılge sa­pary­nyń keıinge shegerilýi eki memleket ara­syndaǵy qatynastarǵa salqynyn tıgizýi múmkin. Úkimet basshysynyń keńesshisi Aleks Selskııdiń habardar etýinshe, Izraıl premer-mınıstri shetel isteri jónindegi parlamenttik komıssııada sóz sóılep, Dmıtrıı Medvedevtiń saparynyń aýystyrylýy Izraıl syrtqy ister mınıstrligi qyzmetkerleriniń ereýiline baılanysty ekendigin málimdegen. Úkimet basshysy keńesshisiniń sózine qaraǵanda, D.Medvedevtiń Izraılge saparyna baıla­nys­ty jumystar jalǵasatyn bolady. TERRORShYL UIYM MÚShELERI JOIYLDY Tájikstan ishki ister mınıstrliginiń shtab bastyǵy Tohır Normatovtyń málimdeýinshe, halyqaralyq terrorshy, «Ál-Kaıdanyń» múshesi Alovıddın Davlatov pen onyń jeti seriginiń kúsh qurylymdarynyń arnaıy operasııasy bary­synda kózi joıylǵan. Olardan bólek Davlatov bandasynyń bir múshesi tutqynǵa alynǵan, sondaı-aq úlken kólemdegi qarý-jaraq qolǵa túsken. Al arnaıy operasııa Dýshanbe qalasynan 180 shaqyrym jerdegi Rash aýdanynda júzege asyrylǵan. Resmı derekterge qaraǵanda, 40 jastaǵy Davlatov buǵan deıin el aýmaǵynda birqatar qarýly qaqtyǵystarǵa basshylyq jasapty. HRISTIANDAR QARSYLYQ AKSIIаSYN О́TKIZDI Assosheıted press agenttiginiń tarat­qan aqparattary boıynsha, seısenbide Egı­pettiń Asıýt qalasynda 500-ge jýyq hrıstıan dinin ustanatyndar qarsylyq aksııa­syn ótkizgen. Aksııa barysynda olar el úkimetiniń hrıstıandardy qorǵaý sharalarynyń óz deń­geıinde júrgizilmeıtindigin aıyptap, polıseılerge tas laq­tyrǵan. Budan buryn mundaı qarsylyq aksııasy Kaır men Aleksandrııada ótken bolatyn. Egıpet Prezıdenti Hosnı Mýbaraktiń pikirinshe, jańa jyl túninde 21 adamdy opat etken terrorlyq áreketti sheteldik uıymdar uıymdastyrǵan kórinedi. IRAN ShAHYNYŃ ULY О́ZINE-О́ZI QOL SALDY Burynǵy Iran shahy Mohammed Reza Pehlevıdiń kishi uly Alıreza Pehlevı Boston qalasyndaǵy úıinde ózin-ózi óltirgen. Bul jóninde Reza Pehlevıdiń úlken uly óz saıtynda habarlaǵan. Alıreza Pehlevı Garvard ýnıversıtetinde oqyǵan, bakalavr dárejesin alýǵa tıis bolatyn. Assosheıted press agenttiginiń aqparattaryna qaraǵanda, burynǵy Iran shahy Reza Pehlevı 1979 jyly ıslam tóńkerisiniń barysynda taqtan taıdyrylǵan. Onyń otbasy músheleri shet elderge jer aýdarylǵan. Al úlken uly qazirgi kezde AQSh-ta turady. JAŃA JYL MEREKESINDE BANK TONALDY VVS News agenttiginiń habarlaýynsha, jańa jyl túninde Argentınanyń Býenos-Aıres qalasyndaǵy memlekettik bank fılıalynyń birinde urylar ondaǵy júz­den astam jáshikti alyp ketken. Ony bank qyzmetkerleri jańa jyl merekesinen keıin bir-aq bilgen. Polısııanyń málimetteri boıynsha, urylar bank qoımasyna jetý úshin jer astyn keminde alty aı boıy qazǵan. Osy maqsattaryn júzege asyrý úshin urylar 2010 jyldyń shildesinde bank ǵımaratyna jaqyn ornalasqan oryn-jaıdy jalǵa alǵan kórinedi. Jer astymen qazylǵan tonneldiń uzyndyǵy 30 metr, onda elektr jaryǵy men jeldetkish te ornatylǵan. Qoldy bolǵan qundy­lyqtardyń naqty kólemi ázirge belgisiz. ZAŃSYZ MIGRANTTAR SÝǴA BATYP KETTI Iemen ishki ister mınıstrliginiń taratqan aqparattaryna qaraǵanda, Afrıkadan Arab túbegine jetpek bolǵan zańsyz qonys aýdarýshylar mingen qaıyqtar sýǵa batyp ketken. VVS News agenttiginiń habarlaýynsha, olar mingen qaıyqtar ashyq teńizde júzýge sáıkes jabdyqtalmaǵan. Iz-túzsiz ketkenderdiń kópshiligi Efıopııa azamattary, olardyń ishinde, sondaı-aq Somalı azamattary da bar. Kórgenderdiń aıtýynsha, bir qaıyqta 46 adam, ekinshisinde 40-qa jýyq adam bolǵan. Olardy izdestirý sharalary jalǵastyrylýda. EÝROODAQ ELDERINE BARA ALMAI MA? Belarýs Prezıdenti Aleksandr Lýkashenkonyń jáne osy eldegi birqatar sheneýnikterdiń Eýropalyq Odaqqa múshe memleketterge barýlaryna tyıym salynýy múmkin. Bul týraly Shvesııa syrtqy saıasat vedomstvosynyń basshysy Karl Bıldt habarlady. Shvesııa mınıstriniń habardar etýinshe, bul Belorýssııada ótken prezıdenttik saılaýdan keıingi jaǵdaılarǵa baılanysty. Elde prezıdenttik saılaý ótken jyldyń 19 jeltoqsanynda bolyp, onda Aleksandr Lýkashenko aıqyn basymdyqpen jeńiske jetken edi. Bul oppozısııany qanaǵattandyrmady, sol kúni-aq Mınskide ruqsat etilmegen sherý uıymdastyrylyp, onyń sońy Úkimet úıine basyp kirýge áreket jasaý sharalaryna ulasty. Al aksııaǵa qatysqan júzdegen adam ustaldy, olardyń ishinde oppozısııanyń jetekshileri de bar. Internet materıaldary negizinde ázirlegen Álısultan QULANBAI.