«Máńgilik El» poıyzy – Aqsýda

Astanadan 15 aqpanda el Táýelsizdiginiń 25 jyldyǵyna oraı saparǵa shyqqan «Máńgilik El» áleýmettik poıyzy О́skemen men Semeıdi aralap, Kereký óńirine atbasyn tiregen edi. Saparlatyp kele jatqan áleýmettik poıyzdy áýeli Aqsý qalasynyń ákimdigi, Qazaqstan halqy Assambleıasy men qoǵamdyq uıymdardyń ókilderi, jergilikti jastar bastap, qala turǵyndary qarsy aldy. Oblystaǵy óndiristi Aqsý qalasynyń ónerkásip sektoryn «Eýrazııalyq energetıkalyq korporasııa» AQ, «Ferroqorytpa zaýy­ty» AQ quraıdy. Qalada 70 myń halyq turady. Qalalyq ákimdikte áleýmettik poıyz qonaqtarynyń qatysýymen dóńgelek ústel basynda ultaralyq kelisim, eldegi turaqtylyq, ór­ken­deý, táýelsizdik talaptary aıasyn­da áńgimelesý ótti. Dóńgelek ústel basynda elimizdegi Nemis qaýym­dastyǵynyń tóraǵasy Alek­sandr Dederer, «Máńgilik El» ma­mandandyrylǵan áleý­met­tik poıyzynyń jetekshisi Rýs­lan Barbasov sóz sóılep, bul sa­par­dyń mán-maqsatyna toqtaldy.  Poıyz quramy bir kún boıy aqsýlyqtarǵa qyzmet kórsetip, suraq­taryna jaýap berdi. Qaralǵan máselelerdiń ishinde 5 suraqqa erekshe na­zar aýdarylyp, baqylaýǵa alyn­dy. Áleýmettik, halyqqa qyz­met kórsetý máseleleri, aýyl sharýa­shylyǵy jáne bızneske qatysty su­raq­tar boıynsha turǵyndardy qabyl­daý júrgizildi. Aqsýlyqtar dáriger­lerdiń qabyldaýynda boldy. Al uıym­dastyrýshylardyń aıtýynsha, quramynda 100-ge jýyq múshesi bar, 9 vagonnan turatyn poıyz­da kásip­kerler palatasynyń maman­dary, áleý­mettik qorǵaý jáne densaý­lyq saq­taý salasynyń ókilderi, sport­shylar, óner adamdary birge keledi. – Jalpy, poıyz sapary barysynda bizdiń mamandar quramy aýy­syp, jańaryp otyrady. Maqsat – aýyldyqtardyń, soǵys ardagerleri men múmkindigi shekteýli adamdardyń ótinish-tilekterine qulaq asyp, quqyq­tyq jáne medısınalyq turǵyda keńes berý. Jeke kásibin ashyp, bıznesin bastaǵysy keletin adamdarǵa da kómek kórsetiledi. Mádenı-sport­tyq sharalar, konserttik baǵdar­lamalar usynylady, – dedi «Máńgilik El» áleý­mettik poıyzynyń jetekshisi R.Barbasov. – Bizdiń qalamyzda qoǵamdyq keli­sim, ádilet jáne memlekettik qyz­met kórsetý, bıznes jáne kásipkerlik, aýyl sharýashylyǵy, medısınalyq máseleler boıynsha keńester alý, bilim berý, eńbek sharttary men eńbek­ti qorǵaý máseleleri jóninen turǵyn­darǵa arnalyp ashylǵan arnaıy keńes alańdarynda jalpy 325 suraq qoıy­lyp, 300-den astam turǵyn dári­gerlerdiń qabyldaýynan ótti, – dedi qalalyq ishki saıasat bóliminiń mamany Álııa Omarova. Tústen keıin poıyzdyń kelý qurmetine oraı Aqsýdyń Sábıt Dónentaev atyndaǵy mádenıet saraıynda konserttik baǵdarlama kórsetildi. Poıyz sapary ári qaraı oblys ortalyǵy – Pavlodarda, Ekibastuz qalasynda jalǵasady. Farıda BYQAI, «Egemen Qazaqstan». Pavlodar oblysy.