01 Naýryz, 2016

20 adamǵa jumys taýyp berip otyr

171 ret kórsetildi
777Quryq ustaǵan atalarymyz «Mal baqqanǵa bitedi» depti ǵoı. Biraq bul qaǵıda maldy tańerteń qoradan óriske shyǵaryp, nesibesin terip jegen soń qaıta qamap qoı degeni emes shyǵar. Mal basyn kóbeıtý, onyń sapasyn arttyrý úshin qanshama tirlik jasaý kerektigin malshydan sura. Qaı malshymen tilge kelseń, aldymen mal tuqymyn asyldandyrý kerektigin aıtar edi. Sharýanyń bul oıyn memleket te dóp basqandaı, mal sharýashylyǵyndaǵy osy má­­selege basymdyq berip otyr. El­basy Joldaýynda agrarlyq sektorda etti jáne sútti mal sharýa­shylyǵyn damytýǵa basa mán berip, aýyl sharýashylyǵyn aıaǵynan tur­ǵyzýdyń basym mindetterin aı­qyndap berdi. Aýqymdy tap­syr­manyń júzege asýy úshin qoldaǵy maldy asyldandyrýǵa erekshe kóńil bólinip otyr. Osy oraıda qoldan uryqtandyrý tásilin jandandyrý ýaqyt talabyna aınal­ǵan. Bul baǵytta memleket tarapynan kórsetilip otyrǵan qomaqty qoldaýdyń nátıjesin tarandyq sharýalar da bile bastady. Taran aýdanyndaǵy «Qa­lıev» sharýa qojalyǵynyń bú­gingi tynys-tirshiligi osy aıt­qa­­­nymyzdyń tolyq dáleli. Sha­rýashylyq 2005 jyly qu­rylyp, mal jáne egin sharýa­shy­lyǵymen qatar aınalysty. Mal basyn birshama kóbeıtip alǵan soń, ony asyldandyrý jumysyna ótken jyldan bastap kiristi. Oǵan «Yrys» baǵdarlamasynyń qol­daýy muryndyq boldy. «Yrys» – «Agrobıznes – 2020» memlekettik salalyq baǵdarlamasynyń aıasyn­da júzege asyrylatyn baǵ­dar­lama. «QazAgro» holdınginiń en­shiles kompanııasy – «Aýyl sha­rýa­shylyǵyn qarjylaı qoldaý qory» aksıonerlik qoǵamynyń bir tarmaǵy bolyp sanalatyn osy baǵdarlama arqasynda sharýa­shylyq kómek jóninen erkin ty­nys­tap qaldy. – «Yrys» baǵdarlamasy otba­sylyq taýarly sút fermala­ryn qurýǵa jáne keńeıtýge baǵyttalǵan jobalardy qarjylandyrady. 60 mıllıon teńgege deıin qoldaý kórsete alamyz. Sharýasyn taza eńbegimen dóńgelentip ketetin sharýa­lar muny 7 jylda azdaǵan ústeme paıyzymen ótep shyǵady, – deıdi «Aýyl sharýashylyǵyn qarjylaı qoldaý qory» aksıoner­lik qoǵamynyń Qostanaı obly­syndaǵy fılıalynyń dırektory Marat Salyqbaev. Osyndaı sáti túsip turǵan iske táýekel etkenniń biri álgi aıtqan «Qalıev» sharýa qojalyǵy bolatyn. Ol «Yrys» baǵdarlamasy boıynsha 45,7 mıllıon teńge nesıe qarjy aldy. «Yrys» baǵdarlamasynyń qoldaýymen berilgen nesıege sımmental jáne qazaqtyń aqbas sıyryn, sondaı-aq, jyljymaly sıyr saýatyn apparat, mal bordaqylaýǵa arnalǵan tehnıka aldym. Sıyrlardy nemis bu­qasynyń tuqymymen qol­dan uryqtandyramyz. Bul tá­sil­di meńgergen mamanymyz bar. Qos­tanaı, Astana aýmaǵyndaǵy ǵa­lym­darmen jıi keńesip otyramyz. Búginde qorada 400-ge jýyq iri qara mal bar, – deıdi sharýashylyq jetekshisi Asqar Qalıev. Sharýa­shylyq qazir jylqy ósirýdi de qolǵa aldy. Aqtóbe oblysynan sútti ári etti 11 bas jylqy ákeldi, ony jyl saıyn on basqa kóbeıtip otyrýdy mejelegen. Jylqy jan­ýar bóri men urydan aman bolsa, tez-aq kóbeıetinin Asqar da biledi. Aldaǵy ýaqytta qymyz óndirisin qolǵa alsaq degen jospary da bar. Iske tııanaqty qaraıtyn sharýada arman da, maqsat ta, jospar da jetkilikti. Biraq sonyń barlyǵy da qarjy men adam kúshiniń arqasynda múmkin bolady. Sondyqtan Asqar sharýashylyqty kóptiń nesibesi dep biledi. Qazir malǵa 20 adam qaraıdy, ıaǵnı 20 aýyldasyn jumyspen qamtamasyz etti. – Jalaqyny ýaqytyly berip turamyz. Aýyldastarǵa otbasyn asyraıtyn aqsha, bizge istiń bitkeni kerek. Eki jaqtan da mámile adal jasalsa, sharýashylyq alǵa basa beredi. Bul eshkimge de zııan ákelmesi anyq, kóptiń nesibesi, – deıdi Asqar Qalıev. Sharýa qojalyǵy memleket de­meýiniń arqasynda osylaı ke­ńeıe bermek. Asqardyń da, aýyl­dastarynyń da búgingi oıy kóktemge maldy aýyr qystan aman, qońdy shyǵarý bolyp otyr. – «Almaqtyń da salmaǵy bar», degen ǵoı. Alǵan nesıeni qaı­tarǵansha, sharýany túzep ketken­she onyń jaýapkershiligin qalaı umytasyń? Alǵan qarjyny muqııat jaratqanda ǵana kómektiń nátıjesi bolady, – deıdi Asqar. Názıra JÁRIMBETOVA, «Egemen Qazaqstan». Qostanaı oblysy, Taran aýdany.
Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar