Qurmetti otandastar!

Qazaqstan halqy Assambleıasy eli­miz­diń barsha azamattaryn 1 naý­ryz – Alǵys aıtý kúnimen quttyq­taı­dy! Táýel­­sizdiktiń 25 jyldyq me­reı­toılyq jy­lyn­da Ulttyq kún­tiz­­bemizde osy me­re­­keniń paıda bolý­y­nyń maǵynasy tereń. Beıbitshilik, dostyq pen kelisim qundylyqtary Qazaq­stannyń kópultty halqynyń tarıhı taǵdyrymen ushtasqan. Bul kúni biz Qazaqstannyń kópetnosty jasampaz halqynyń ortaq tarıhyna qurmet bildiremiz. Alǵys aıtý kúni – Prezıdenttiń beıbitshilik pen kelisim saıasatynyń saltanaty. Elbasynyń dana, sarabdal saıasatynyń nátıjesinde Qazaqstanda qoǵam­dyq kelisim men jalpyulttyq birliktiń biregeı úlgisi qalyp­tasty, onyń arqaýy – Qazaqstan halqy Assambleıasy. Birlik, turaqtylyq jáne kelisim elimizdiń ekono­mı­kalyq qýatynyń berik irgetasy, saıası, áleýmettik jáne mádenı mindetterdi sheshý jolyndaǵy senimdi kepili bol­dy. Bul qaǵıdattar – jańa zamannyń syn-qaterlerine biz­diń ­jaýabymyz. Qazaqstan halqy Assambleıasy úshin bul kún erekshe qýa­nysh­ty mereke, sebebi, dál osy 1 naýryz – Qazaqstan halqy Assam­­bleıa­synyń qurylǵan kúni Alǵys aıtý kúni bolyp jarııalandy. Datalardyń túıisýi bizdiń jańa merekemizge erekshe maǵyna jáne aıryqsha mańyz beredi, ol adamdar arasyndaǵy, Qazaqstannyń birtutas halqyn quraıtyn barlyq etnostar arasyndaǵy ózara senim men syılastyq deńgeıiniń joǵarylyǵyn, ózara túsinistik pen tereń qurmetti bildiredi. Datalardyń bul túıisýi kezdeısoqtyq emes. Memleket basshysynyń ózi Assambleıanyń qurylǵan kúnin jyl saıyn barlyq etnostardyń bir-birine jáne olardy óz týǵanyndaı qabyldap, meıirbandyq tanytqan qazaqtarǵa alǵys aıtý kúni retinde atap ótý týraly usynys aıtqan bolatyn. Alǵys aıtý kúni – qýǵyn-súrginge ushyrap, alasapyran zamannyń taýqymetin tartqan halyqtyń rýhanı ıgiligi – keńpeıildiligi men qaıyrymdylyq dástúrlerine tereń taǵzym belgisi. Biz Táýelsizdiktiń mereıtoıy qarsańynda yntymaǵy jarasqan, birligi bekem, teń quqyqtar ıelengen jáne nurly bolashaq jolynda zor jaýapkershilikpen toptasqan Bolashaǵy Birtutas Ult qalyptastyrý týraly málimdedik. Qazaqstan halqy Assambleıasy memleketimiz ben qoǵa­my­myzdy jańartýǵa, «Máńgilik El» jalpyulttyq pat­rıottyq ıdeıasynyń negizinde Qazaqstan halqynyń bir­ligin nyǵaıtýǵa baǵyttalǵan barlyq reformalardyń jú­zege asyrylýyna atsalysady. Biz qazaqtyń qasıetti jerindegi eń basty qundyly­ǵy­­myz – birlik pen tatýlyq úshin ortaq jaýap­kershi­li­gimizdi sezinemiz jáne jarqyn bolashaǵymyzǵa nyq senemiz. Mereke qutty bolsyn, qymbatty qazaqstandyqtar!  Qazaqstan halqy Assambleıasynyń Keńesi.