Fýtboldan Qazaqstan Sýperkýbogy. Onlaın-mátin.

«Astana» (Astana) – «Qaırat» (Almaty) 8 naýryz. Astana. «Astana Arena» stadıony. Tóreshi: Ravshan Irmatov (О́zbekstan). «Astana»: Nenad Erıch, Abzal Beısebekov, Evgenıı Postnıkov, Marın Anıchıch, Nemanıa Maksımovıch, Roher Kanıas, Patrık Tvýması, Djordje Despotovıch, Dmıtrıı Shomko, Serikjan Mujyqov, Tańat Nóserbaev. «Qaırat»: Vladımır Plotnıkov, Isael Barboza, Jerar Goý, Anatolıı Tımoshýk, Jarko Markovıch, Brýno Soares, Lýkash Tesak, Mıhaıl Bakaev, Aslan Darabaev, Baýyrjan Islamhan. "Qaırat" oıyn sońyndaǵy penaltı boıynsha jeńiske jetip, fýtboldan 2016 jylǵy Qazaqstan Sýperkýbogyn ıemdendi. Sheshýshi soqqynyń avtory – Lýkash Tesak. Serikjan Mujyqovtyń soqqysyn "Qaırat" qaqpashysy qaıtara bildi. Anatolıı Tımoshýk tarazy basyn teńestirdi. Abzal Beısebekov nátıjeli soqqysymen "Astanany" qaıtadan alǵa shyǵardy. Jerar Goý da múlt ketip, sheshýshi soqqyny jasaı almady. Tvýmasıdiń soqqysynan keıin esep teńesti. 3:3 Vıtalııa Lı komandasyna Sýperkýbokty alyp bere almady. Onyń soqqysyn Erıch qaıtara bildi. Astanalyq Nemanıa Maksımovıch dopty qaqpadan qıys teýip, qarsylastaryna múmkindik syılady. Rıera óz múmkindigin sátti oryndap, "Qaıratty" esepte alǵa shyǵardy. Shetkınniń soqqysyna qaqpashy Plotnıkov tosqaýyl bola bildi. On bir metrlikke Alekseı Shetkın jaqyndap keledi. "Qaırat" oıynshysy Brýno Soares te Nenad Erıchten aılasyn asyryp, tarazy basyn teńestirdi. Ekinshi bolyp "Astana" sapynan Anıchıch soqqy jasap, mergendigimen kózge tústi. Esep 1:1. Islamhan óz múmkindigin múlt jibermedi. Dopqa "Qaırattyń" kapıtany Baýyrjan Islamhan jaqyndap keledi. Gol. Kanıas penaltı boıynsha komandasyn alǵa shyǵardy. Penaltı. Alǵash bolyp "Astana" oıynshysy Roher Kanıas tebedi. Ekinshi ekstra-taım aıaqtaldy. Demek, fýtboldan 2016 jylǵy Qazaqstan Sýperkýbogynyń ıegeri penaltı arqyly anyqtalatyn bolady. 116-mınýt Oıynshylardyń qımyldarynan olardyń sharshaǵany anyq seziledi. Soǵan qaraǵanda, fýtbolshylar bul eseppen keliskendeı. Endeshe bizdiń oıyn sońyndaǵy penaltı kútip tur. 112-mınýt "Astananyń" kezekti shabýyly sátsiz aıaqtaldy. Kanıastyń baspen jasaǵan soqqysy nysanadan qıys ketti. 107-mınýt Astanalyqtar sapynan komanda kapıtany Tańat Nóserbaev alańdaǵy ornyn Berik Shaıyqovqa bosatyp berdi. 106-mınýt Jerar Goý oıyn tártibin buzǵany úshin eskertý aldy. 106-mınýt Ekinshi ekstra-taım bastaldy. "Qaırattyń" bas jattyqtyrýshysy Borodıýk myrza oıynshylar almastyrdy. Atap aıtqanda, Isaeldiń ornyna alańǵa Rıera shyqty. Birinshi ekstra-taım aıaqtaldy. 103-mınýt Anatolıı Tımoshýk eskertý aldy. 102-mınýt Jerar Goýdyń "Astananyń" aıyp alańyndaǵy áriptesi Isaelge shyǵarǵan pasy jetpedi. Alań ıeleri qarymta shabýylǵa shyqqanymen "Qaırattyń" qorǵaýshysy Anatolıı Tımoshýk qaýiptiń betin qaıtara bildi. 100-mınýt Qaırattyq Jarko Markovıch "Astana" oıynshysy Roher Kanıasqa qarsy oıyn tártibin buzdy. 96-mınýt Patrık Tvýması qaqpany nysanaǵa alyp kórgenimen, dop dittegen jerden qıys ketti. 91-mınýt Birinshi ekstra-taım bastaldy. 90+3-mınýt Oıynnyń negizgi ýaqytyna tóreshi 3 mınýt ýaqyt qosqan. Qazir ol ýaqyt túgesilip, komandalar azdaǵan úziliske shyqty. Endi olar árqaısysy 15 mınýttan turatyn ekstra-taımda baq synaıdy. 90+2-mınýt "Qaırat" oıynshysy Tesak Lýkash eskertý aldy. 89-mınýt Oıynshylar almasýda. "Astana" sapynan alańǵa Alekseı Shetkın men Mark Gýrman shyqty. Olar tıisinshe Djordje Despotovıch pen Evgenıı Postnıkovty almastyrdy. Sondaı-aq, 88-mınýt Oıynnyń negizgi ýaqytynyń aıaqtalýyna 2 mınýt qaldy. Ázirge gol soǵylǵan joq. 78-mınýt Almatylyqtar shabýyldaýda. Ermek Qýantaevtyń joıqyn soqqysyna alań ıeleriniń qaqpashysy Nenad Erıch tosqaýyl bola bildi. 77-mınýt Jerar Goý aıyp alańynyń syrtynan soqqy jasady. Alaıda, dop qaqpadan qıys ketti. 70-mınýt "Astana" shabýylshysy Patrık Tvýması dóreki oıyny úshin eskertý aldy. 65-mınýt Aslan Darabaevtyń ornyna alańǵa "Qaırat" sapynda Vıtalıı Lı shyqty. 57-mınýt "Astana" oıynshylary aıyp soqqysyn oryndady. Patrık Tvýmasıdiń aıyp alańyna asyrǵan dobyna Roher Kanıas ózgelerden buryn jetken. Alaıda, onyń baspen baǵyttaǵan doby qaqpadan bıik ketti. 50-mınýt Oıyn barysynda basymdyq negizinen "Astananyń" jaǵynda ekenin atap ótken jón. Stanımır Stoılovtyń shákirtteri júıeli oıyn órnegimen "Qaırattyń" qorǵanysyn buzyp ótýdiń amalyn qarastyrýda. 46-mınýt Ekinshi taım bastaldy. Birinshi taım aıaqtaldy. 45-mınýt Bas tóreshi Ravshan Irmatov birinshi taımǵa 1 mınýt qana qosty. 37-mınýt Astanalyq Djordje Despotovıch burynǵy komandasyna qarsy saýatty oınaýda. Buryshtan asyrylǵan dopty baspen qaqpaǵa baǵyttaǵanymen, oǵan dáldik jetispedi. 32-mınýt "Qaırattyń" aıyp alańyndaǵy qarbalas sát. Degenmen, qaqpashy Vladımır Plotnıkov sheberligimen kózge tústi. 28-mınýt Jerar Goý "Astana" aıyp alańyna tamasha pas shyǵarǵan. Alaıda, sońǵy sátte Aslan Darabaev dopty qaqpaǵa durystap baǵyttaı almady. 21-mınýt Oıyndaǵy alǵashqy eskertý qaǵazy "Qaırattyń" oıynshysy Jarko Markovıchke kóretildi. 20-mınýt "Astana" kapıtany Tańat Nóserbaev esep ashatyn tamasha múmkindikti múlt jiberdi. Ol eki qorǵaýshynyń ortasynan sytylyp shyǵyp, soqqy jasaǵan. Desek te, dop qaqpa baǵanynan keıin serpildi. 13-mınýt Kezdesýdiń bar bolǵany 10 mınýty artta qaldy. Soǵan qaramastan, match asa tartysty ótýde. "Qaırat" oıynshysy Isael az-kem jaraqat alyp, alańdy tastap ketýge májbúr boldy. 3-mınýt Tańat Nóserbaev qarsylastyń aıyp alańyna emin-erkin enip, soqqy jasaǵanymen, esep asha almady. 1-mınýt Fýtboldan 2016 jylǵy Qazaqstan Sýperkýbogy úshin "Astana" men "Qaırat" arasyndaǵy match bastaldy.