Kókshetaýdaǵy qazaq teatryna – 20 jyl

Shahmet Qusaıynov atyndaǵy qazaq drama teatrynyń 20 jyl­dyǵy keń kó­lemde atap ótildi. Aıtýly merekege ar­­nalǵan «Táýel­sizdik – tuǵyrym!» at­ty aı­maqtyq teatr forýmy bes kún boıy kórermenderdi qýanyshqa bóledi. Sábıt Muqanov atyndaǵy Soltústik Qa­zaqstan oblystyq sazdy-drama teatry G.Hýgaevtyń «Qara shekpen» prıt­chasyn, Ilııas Omarov atyndaǵy Qos­tanaı oblystyq drama teatry J.Álmashtyń «Muńmen alysqan adam», Astana qalasynyń Jastar teatry S.Júni­sovtiń «Tyraý-tyraý, tyrnalar» dramasyn, Qa­lıbek Qýanyshbaev atyn­daǵy mem­lekettik akademııalyq qazaq mýzy­ka­lyq drama teatry E.Hýsh­vahtovtyń «Qy­zyl alma» lırı­kalyq komedııasyn sahnalady. Al saltanatty jınalys Aqmola oblysy ákiminiń quttyqtaýymen ashyldy. Qazaqstan Respýblıkasy Parlamenti Senatynyń depýtaty, dramatýrg-jazýshy Jabal Er­ǵalıev, óńir basshysynyń orynbasary Nurlan Nurkenov, osydan 20 jyl burynǵy oblys ákimi Qyzyr Jumabaev, Qa­zaqstannyń ha­lyq ár­tisi Jibek Baǵysova, tea­t­­r basshysy Maral Jaqypova, toı qonaqtary shyǵar­mashylyq ujymnyń jetistikterine joǵary baǵasyn berdi. Kókshetaý teatry 1996 jyly 6 naýryz kúni «Aqan seri-Aqtoqty» (avtory Ǵ.Músirepov, qoıýshy-rejısseri J.Omarov) dramasymen alǵash ret shymyldyǵyn ashty. Osy jyldar ishinde túrli janrdaǵy 111 dramalyq shyǵarma sahnalanypty. Otandyq shyǵarmalarmen qatar sheteldik, álemdik dramatýrgııa da qamtylyp keledi. Teatr akterleriniń sahnalyq sheber­likterin teatr festı­valderinde alǵan marapattarynan da kórýge bolady. Teatr trýppasy onnan astam respýblıkalyq, bes halyqaralyq teatr festıvalderi men forýmdaryna qatysyp, «Eń úzdik qoıylym»,«Eń úzdik akterlik ansambl», «Tarıhı taqyrypty sátti ıgergeni úshin», «Tarıhı tulǵany ulyqtaǵany úshin», «Eń úzdik er adam róli úshin» jáne basqa atalymdar boıynsha úzdik shyqqan. Teatrdyń tynys-tirshiligi árdaıym oblys ákimdiginiń nazarynda ekendigi aıtyldy. Gastroldik saparlar men fes­tıvalderge qatysýǵa jylda qa­rajat bólinip keledi. Ujym 2004 jyly jańa zamannyń bar­lyq ta­laptaryna tolyq jaýap beretin ǵı­maratqa kóshirilgen. Teatrdyń ir­ge­tasyn qalaǵan akterlar pátermen qam­tamasyz etildi. Oǵan qosa, ár jyl saıyn teatrdyń ishki qajettiligine qar­jylaı kómek kórsetilýde. О́ner ordasy memleketimizdiń jandy ja­n­ashyrlyǵyn sezinip jumys ja­saýda. Osy­nyń nátıjesinde tea­t­r Mysyr, Qy­taı, Reseı, Ýkraı­na, Belorýssııa kórer­men­deriniń rızashylyǵyna bólendi. Qazaqstan Táýelsizdiginiń 25 jyl­dyǵy aıasynda ótkizilgen merekelik sharada óner ujymy daıyndaǵan «Táýelsiz el – teatr tarıhynda» kita­bynyń tanystyrylymy ótkizilip, senator jazýshy J.Erǵalıevtiń «Qıly jol» dramasy qoıyldy. Bul shyǵarmanyń premerasy Qazaq handyǵynyń 550 jyldyǵy merekesinde, Tarazda ótken bolatyn. Baqbergen AMALBEK, «Egemen Qazaqstan». Aqmola oblysy. Sýretti túsirgen Ermurat DOSYMOV.