Aqtóbede kórisý merekesi atap ótilýde

AQTО́BE. 15 naýryz. Qazaq halqynyń ejelgi salt-dástúri boıynsha Aqtóbe óńirinde 14 naýryzda kórisý merekesi bastalady. Osy dástúrge oraı oblys ákimi Berdibek Saparbaev aımaqtyń damýyna zor úles qosqan tanymal aqsaqaldardy quttyqtady. Bul týraly egemen.kz tilshisi habarlady. Dástúr boıynsha, jasy kishiler úlkenderdiń hal-jaǵdaılaryn bilip, otbasy amandyǵyn surastyratyn bolǵan. Eńbek ardageri Smatýlla Berkimbaev oblys basshysyna kórisý merekesin qazaqtar erekshe saltanatpen atap ótetindigin jetkizdi. Tańerteńnen eń ádemi kıimderin kıip, kórshi-kólemdi jaǵalap, múmkin bolsa, jaqyn mańdaǵy aýyl-aımaqtardy aralap, denderiniń saýlyǵyn, amandyǵyn biletin bolǵan. Uzaq jyldar boıy Baıǵanın, Shalqar jáne Temir aýdandyq partııa komıtetterin basqarǵan aqsaqaldyń aıtýynsha, «kórisý» – qystan aman shyǵyp, kópten bergi kezdesýdi bildiretin bolsa kerek. Sondaı-aq, bul mereke kóktem men dostyq, beıbitshilikti bildiredi. KSRO jáne Qazaq SSR halyq aǵartý isiniń úzdigi, 88 jastaǵy Nıetjan Berikov kórisýdiń óskeleń urpaqty tárbıeleýde úlken mańyzǵa ıe ekendigin atap ótti. О́z kezeginde óńir basshysy aqsaqaldarǵa zor densaýlyq, uzaq ǵumyr, sondaı-aq, týǵan-týystary men jaqyndaryna baqyt tilep, ákimdik atynan estelik syılyqtar tapsyrdy. Eńbek ardagerleri ákimge alǵystaryn jaýdyryp, qyzmette tabys tilep, batalaryn berdi. Kórisý dástúri ár otbasynda, mádenıet úılerinde, eńbek ujymdarynda mádenı sharalarmen jalǵasýda. Satybaldy Sáýirbaı. Derek: egemen.kz. Sýret: azh.kz.