Shaǵym-eskertpeler túsken joq

20 naýryzǵa belgilengen Parlament Májilisi jáne barlyq deńgeıdegi máslı­hattar saılaýyna táýelsiz baqylaý júrgizý maqsatymen respýblıkalyq qoǵam­dyq komıssııa qurylǵan bolatyn. Osy komıssııanyń jergilikti jerlerdegi quzi­retin atqarý mindeti ár oblystaǵy arnaıy ortalyqtarǵa júktelgeni belgili. Mańyzdy saıası naýqanǵa táýelsiz baıqaýshy retinde qatysqan tulǵa­lar kimder bolýy tıis? Qansha adam baıqaýshy retinde qatysty degen saýaldarymyzdy Saı­laýdy baıqaý jónindegi respýblıkalyq komıssııanyń Batys Qazaqstan oblysy boıynsha óńirlik ortalyǵynyń tóraıymy Vera ShOHINAǴA joldaǵan edik. – Vera Kýzmı­nıch­na, saı­laýǵa táý­elsiz baıqaýshy re­tinde tartylǵan adam­ǵa qan­daı talaptar qoıyldy? Osy jó­ninde tolyǵyraq aıtyp berseńiz. – Saýalyńyz oryn­dy. «Saılaý týraly» QR Zańynyń 20-1-babyna sáıkes, táýelsiz baıqaýshyǵa qoıylatyn talaptar bar. Ony ózińiz bi­lesiz. Zańǵa sáıkes, mem­le­kettik qyz­metkerler, bel­gili bir par­tııanyń shtabyn­da jumys isteıtinder, depý­tattyqqa kandı­dattardyń úgit-nasıhatyn júr­gizetin vo­lonterler táýelsiz sarapshy bola almaıdy. Al zańda kórsetilgen talaptar men shekteýlerden ada, qoǵamdaǵy túrli qubylystarǵa sergek qarap, azamattyq ustanymyn erkin bil­diretin kez kelgen bel­sendi azamat táýelsiz baı­qaýshy bo­la alady. Biz de osy baǵytta jumys is­­­tedik. Saılaý kúni baıqaýshylarymyz tı­isti ýchaskelerine bardy. Arnaıy bel­gi­lengen orynda otyryp, saılaýdyń ótý barysyn qa­daǵalap, bıýlletenderdi sanaýǵa, hattamany toltyrýǵa qatysty. Sońynan hattamanyń bir danasyn bizdiń ortalyqqa ákelip tapsyrdy. – Jalpy, sonda oblysta qansha táýelsiz baıqaýshy ju­mys istedi? – Batys Qazaqstan oblysy boıynsha saılaýdyń ótý barysyn 520 táýelsiz baı­qaýshy qadaǵalady. Onyń 117-si Oral qalasynyń saılaý ýchaskelerinde boldy. Bir aıta keterligi, bı­ylǵy baı­qaýshylardyń negizgi qu­ramy ótken Prezıdent saılaýyna qatysyp, úlken tá­jirıbe jınaqtaǵan azamattardan tur­dy. Saılaý aldynda baı­qaýshylar úshin arnaıy semınar-trenıngter ótkizildi, maqsat-mindetteri túsindirildi. Qoldaryna baı­qaýshy kýáligi, elektrondy jáne qaǵaz nusqada baıqaýshy kúndeligi berildi. Saılaý qory­tyndysynda bizdiń baı­qaýshylardyń jumysyna qatysty eshqandaı shaǵym-eskert­pe túsken joq. Jazyp alǵan Temir QUSAIYN, «Egemen Qazaqstan». Sýretti túsirgen Rafhat HALELOV.