Bıiktegen bedel – baǵyndyrǵan beles

Qashanda qoǵamdyq-saıası ómir­diń bel ortasynan taby­la­tyn temirtaýlyqtardyń búginde el tynys-tirshiligindegi belsendilikteri de erekshe. Bul rette jurtty jasampaz isterge ju­myldyrýda «Nur Otan» HDP qalalyq fılıalynyń yqpaly zor. Ol osy kúnde 7 myńnan astam azamatty qataryna qam­ty­ǵan oblystaǵy iri uıymdardyń biri sanalady. Olardyń ara­synan saılanǵan delegattar kezekti esep berý-saılaý konfe­ren­sııasynda alda turǵan mindetterdi birge talqylady. Sóz sóıleýshiler atap ót­ken­deı, qalada partııa bedeli jyl­dan jylǵa nyǵaıyp keledi. Byl­tyr «Nur Otanǵa» 192 adamnyń óz erkimen múshe bolýy – sonyń jarqyn aıǵaǵy.Fılıal biriktirgen 15 bastaýysh uıym par­tııa­lyq baǵdarlama­lardy iske asy­rýdyń uıytqysy bolyp otyr. Barsha qazaq­stan­dyqtardaı, te­mir­taýlyq nur­otandyqtar da Qazaqstan Res­pýblıkasynyń Tuń­ǵysh Prezıdenti N.­Á.Na­zar­baevtyń memleketimizdi basqa­rýdaǵy ókilet­tigin uzartýǵa biraýyzdan qol­daý kórsetýde. Konferensııada «Nur Otan» HDP Tóraǵasynyń birinshi orynbasary Nurlan Nyǵma­tý­lın sóz alyp, esep berý-saılaý jınalystarynyń birinshi ke­zeńi aıaqtalǵanyn, onyń 6 myń bastaýysh partııa uıymdarynda úlken belsendilikpen ótkenin aıtty. Bul jıyndarda partııa­nyń 2020 jylǵa deıingi baǵ­dar­lamasy jobasy keńinen talqy­lanǵany ataldy. Aqpan aıynda bolatyn sezde qabyldanatyn jańa baǵdarlama «Nur Otan­nyń» is-qyzmetine tyń serpin beredi. Jınalysta qalalyq fılıal uıymynyń is-sharalary belgilendi. Aıqyn NESIPBAI, Temirtaý.