Ardager – jyr, kásipker – úı syılady

Elbasy N. Nazarbaevtyń tikeleı tapsyrmasymen jáne Úkimet­tiń 2000 jylǵy 7 qarashadaǵy qaýlysymen qurylǵan «Baldáýren» res­pýb­lı­kalyq oqý-saýyqtyrý ortalyǵynda qyzyq kóp. Osy jyl­dar ara­ly­ǵynda munda 58 myńnan astam bala tynyǵyp, densaýlyqtaryn túzedi. «Baldáýrenniń» dırektory Muhıtdın Tólepbaev ortalyqtyń ha­lyqaralyq, respýblıkalyq mádenı-kópshilik, ǵylymı-praktıkalyq olımpıadalar men konferensııalar ótkizý ornyna aınalǵanyn aıtady. Máselen, byltyrǵy shilde aıynda halyqaralyq 51-shi matematıka olımpıadasy ótkizilip, bilim saıysynda júzi basqa, júregi bir 560 bala baq synasypty. Iаǵnı bul, Býrabaıǵa óz ókilderin jibergen álemniń 98 memleketi basqosýdyń tanymdylyǵy men Qazaqstannyń ǵylymı áleýeti jaıly qanyqty degen sóz. Joǵaryda «Baldáýrenniń» qyzyǵy kóp dedik. Búgingi kúnniń shyndyǵy qýanyshtyń ortaımaıtyndyǵyn aıǵaqtaıdy. Súıinishtisi, ony eseleýge memleket qana emes, búkil qoǵam, aıtýly azamattar da atsalysyp otyrǵandyǵynda. Kúni keshe munda qyzyǵy bólek oqıǵa boldy. Respýblıkalyq «Saýal» qoǵamdyq qorynyń jáne taekvondo sport klýbynyń prezıdenti, Aýǵan soǵysy ardagerleri assosıasııasy tóraǵasynyń orynbasary Baqytbek Smaǵulov pen óńirge belgili kásipker Abaı Sadyqov balalar áleminiń qýanyshty qushaǵyna bólendi.Aqyn, sazger Baqytbek Smaǵulov beıbit kúnniń qymbattylyǵy, soǵystyń zulmattylyǵy jaıynda tebirene án shyrqady, Qazaqstan táýelsizdiginiń ardaqtylyǵy haqynda jalyndy jyrlar oqydy. «Baldáýrenniń» kitaphanasyna «Aýǵannyń ot jalyny», «Men kórgen soǵys», «Qan keshken kúnder», «Namystyń quly, Alashtyń uly», «QaHarman» atty týyndylaryn syılady. Al kásipker Abaı Sadyqov bul joly da jomarttyqtyń ǵajap úl­gisin jasady. Ol kól jaǵasyndaǵy qos qabatty meımandar úıin Qazaqstan balalarynyń baqyt ordasyna tegin syılaıtynyn málimdep, menshik qujatyn tabystady. Endi elimizdiń túkpir-túkpirinen bala­larynan habar alýǵa kelgen ata-analar men qonaqtar jaıly qonysqa ornalastyrylatyn bolady. Baqbergen AMALBEK, Aqmola oblysy.