92 jastaǵy Zımbabve prezıdenti 2018 jylǵy saılaýǵa qatysady

ASTANA. 31 naýryz. Zımbabveniń 92 jastaǵy prezıdenti Robert Mýgabe 2018 jyly ótetin memleket basshylyǵynyń oryntaǵy saılaýǵa qatysý nıetinde bar ekenin málimdedi. Bul týraly ras.kz-ke silteme jasaǵan egemen.kz tilshisi habarlady. Atalǵan saıt habarlaǵandaı, ol óziniń mundaı oıy bar ekenin japonnyń «Sankeı» gazetine bergen suhbatynda aıtqan. Qazirgi kúnderi Mýgabe Tokıoda resmı saparmen júr. «Jaqtastarym meniń kandıdatýramdy usynady», – dedi 92 jastaǵy prezıdent. «Men áli shıraqpyn. Eger halyq qalasa, ózimniń mindetimdi jalǵastyrýǵa daıynmyn», – dedi ol. Batystyń Zımbabvede oppozısııanyń basyp tastalaty týraly taratqan sózin Mýgabe «eldiń halqy tarapyna aıtylǵan qorlaý» dep baǵalady. Robert Mýgabe Zımbabveniń segizinshi márte saılanǵan prezıdenti bolyp tabylady. 2014 jyly onyń áıeli Greıs Mýgabe kúıeýine eldi alańsyz basqarýy úshin arnaıy múgedekter arbasyn satyp alyp bergisi keletinin málimdegen bolatyn. Ol memleket basshysyna kúshi sarqylǵansha kómektesetinin jetkizdi. Al oppozısııa músheleri eldegi bıliktiń shyn máninde Greıs Mýgabeniń qolynda ekenin aıtady. Talǵat Raıymbek. Derek: ras.kz. Foto: polit.ru.