Serpilis

«Nur Otan» partııasy Batys Qazaqstan oblystyq fılıalynyń kezekten tys XIX konferensııasy ótkizildi. Kún tártibinde úsh másele qaraldy. Birinshi másele boıynsha «Nur Otan» partııasy Tóraǵasynyń birinshi orynbasary Asqar Myr­zahmetov buǵan deıingi fılıal tóraǵasy Nurlan Noǵaevtyń bas­qa jumysqa aýysýyna baılanys­ty ornyna ótken aptada Prezı­dent Jarlyǵymen Batys Qazaq­stan oblysynyń ákimi bolyp taǵaı­yn­dalǵan Altaı Kólginovti usyndy. Ashyq daýys berý nátıjesinde ol «Nur Otan» partııasy Batys Qa­zaq­stan oblystyq fılıalynyń tór­aǵasy bolyp biraýyzdan saılandy. Al ekinshi máselege oraı fı­lıal­dyń saıası keńesiniń quramyna keıbir ózgerister engizildi. Budan soń jańadan saılanǵan fılıal tóraǵasy A.Kólginov sóz alyp ózine kórsetilgen senim úshin kon­­fe­­rensııaǵa qatysýshylarǵa alǵy­­syn bildirdi. Jetekshi saıası kúshke aınalyp kele jatqan «Nur Otan» partııasynyń fılıalyna jetekshilik jasaý – úlken jaýap­­kershilik. Onyń bastamasymen irgeli ister tyndyrylýda. Áleý­­mettik-ekonomıkalyq damý tur­ǵysynan da sheshimin tapqan ister barshylyq, deı kelip, Altaı Seıdiruly jaýapkershilik pen senim údesinen shyǵýǵa bar kúsh-jigerin jumsaıtynyn jetkizdi. Kún tártibindegi úshinshi másele boıynsha Prezıdent, partııa Tór­aǵasy Nursultan Nazarbaevtyń «Nurly Jol – bolashaqqa bastar jol» atty Joldaýyn iske asyrý jáne Ult Josparyn oryndaý jó­nindegi oblystyq fılıaldyń ju­my­sy týraly fılıal tóraǵa­synyń birinshi orynbasary Serik Súleı­men baıandap berdi. Munyń ishinde ol bes ınstıtýttyq reformany jú­zege asyrý jónindegi «100 naqty qadamǵa» baılanysty atqarylyp otyrǵan is-sharalarǵa jan-jaqty toqtaldy. Jaryssózge shyqqan fılıal saıası keńesiniń múshesi, Ba­tys Qazaqstan oblystyq máslı­ha­tynyń hatshysy Málik Qulshar aýdandyq, qalalyq jáne oblystyq máslıhattarǵa «Nur Otan» partııasy atynan usynylǵan 195 úmit­ker túgeldeı depýtat bolyp saılan­ǵanyn aıtty. Al Bórli aýdan­dyq «Kondensat» AQ-tyń mened­jeri Natalıa Pankratova óz ujymyndaǵy nurotandyqtar ınvestısııalyq jobalardy júzege asyrýǵa jáne qosymsha jumys oryndaryn ashýǵa bastamashy bolyp otyrǵandyǵyn aıtty. Munyń ishinde munaı ónimderin óńdeý baǵdarlamasynyń orny bólek. Bul júıedegi «Nur Otan» partııasy múshelerine sergektik pen senimdilik, ıkemdilik, kásibı sheberlik pen tózimdilik tán dedi ol. «Nur Otan» partııasy Aqjaıyq aýdandyq fılıaly «Jas Otan» jastar qanatynyń tóraǵasy Bir­jan Kýhaev Máńgilik El ıdeıasy men Uly Dala eli jobasyn ulyqtaý «100 naq­ty qadamnyń» ishindegi má­ni men mańyzy zor is ekenin jet­kizdi. Konferensııany A.Myr­za­h­metov qorytyndylap, ótken Máji­lis jáne máslıhat­tar saılaý­lar­yndaǵy nurotan­dyq­tardyń jeńisi tarıhı jeńis bolǵany jónin­de oı sabaqtady. Bul – barsha saı­laý­shylar eldiktiń kórinisin kórse­te bilgen­niń nátıjesi. Barsha qazaq­stan­dyqtar Elbasy, «Nur Otan» par­tııasynyń Tóraǵasy Nursultan Nazarbaevtyń mańyna tyǵyz top­tas­a bastaǵandyǵynyń belgisi. Bul jetistikti álemdik qoǵamdas­tyq ta moıyndap otyr. Endigi min­det saılaý aldynda belgilen­gen baǵ­dar­lamany naqty iske asyrý bol­maq, dedi Asqar Isabek­uly. Ol, so­­ny­men birge, A.Kólginov­tiń de ózine júktelgen mindetti oıda­ǵy­daı atqaryp ketetinine senim bildirdi. Konferensııaǵa qatysýshylar talqylanǵan máseleler boıynsha tıisti qaýly qabyldady. Temir QUSAIYN, «Egemen Qazaqstan». Batys Qazaqstan oblysy.