О́SKEMEN. 1 sáýir. О́skemen qalasynyń hımııa-bıologııa baǵytyndaǵy Nazarbaev zııatkerlik mektebiniń oqýshysy Anel Orazǵalıeva Kókshetaý qalasynda jalpy bilim beretin pánder boıynsha ótken respýblıkalyq olımpıadada I oryn ıelendi. Bul týraly atalǵan mekteptiń baspasóz qyzmetine silteme jasaǵan egemen.kz tilshisi habarlady.
Anel buǵan deıin 9-10-synyptarda respýblıkalyq olımpıadalarda júldeger atanǵan. Al 2013-2014 oqý jylynda jalpy bilim beretin pánder boıynsha Shymkentte ótken respýblıkalyq olımpıadanyń III irikteý kezeńinde II oryndy, sonymen qatar osy olımpıadanyń О́skemendegi kezeńinde III oryndy ıelendi.
AQSh-ta stýdentterge arnalǵan FLEX baǵdarlamasy boıynsha bir jyl bilim alǵan. Bıologııa pániniń muǵalimi Tatıana Djejerıaniń aıtýynsha, Anel Orazǵalıeva 12-shi synyptyń oqýshysy jáne joǵary deńgeıdegi jarysqa qatysý maqsatynda bilimin jetildirýde. Respýblıkalyq olımpıadadan keıin Astana qalasynda pándik bilimin tereńdete túsýge múmkindik aldy. Bıyl mektepti támamdaıtyn ol jazda Vetnamnyń Hanoı qalasynda ótetin XXVII halyqaralyq IBO olımpıadasyna bıologııa páni boıynsha qatysýdy josparlap otyr.
Dýman Anash.
Derek, foto: О́skemen qalasyndaǵy Nazarbaev zııatkerlik mektebiniń baspasóz qyzmeti.
