Gúrzi judyryqty jigitterimiz

Olımpıadaǵa 10 joldama aldy Bokstan Qazaqstannyń erler quramasy bıylǵy tamyz aıynda Rıo-de Janeıroda ótetin jazǵy Olımpııalyq oıyndarda tolyq quramymen óner kórsetetin múmkindikke qol jetkizdi. Bul Qytaıdyń Szıanan qalasynda búgin márege jetetin azııalyq olım­pııalyq kvalıfıkasııalyq týrnırdiń barysynda belgili boldy. Onda burnaǵy kúni oı­nal­ǵan jartylaı fınaldyq shaıqas­tarynyń qorytyndysymen – bes, al keshe úshinshi oryn úshin bolǵan qosymsha shaıqastardyń nátıjesi boıynsha taǵy eki boksshy­myzdyń Rıo-de-Janeı­roda tamyz aıynda ótetin Olım­pııalyq oıyndarǵa joldama aldy. Olımpıadaǵa qyzdarymyz arasynan bir ǵana boksshy joldamaǵa jetti. Ol – 75 kıloǵa deıingi sal­maqtaǵy Darıǵa Shákimova týr­nırde koreıalyq Kım Shın-Hıeong­ten, mońǵol Erdenetýıa Enkh­baatardan, KHDR sportshysy Jang Ýn-Hıýden 3:0 degen eseppen asyp, fınalǵa shyq­ty. Al aqtyq aıqasta qytaı­lyq Lı Kıanmen qolǵap túıistiredi. Jigitterimizdiń arasynan 75 kıloǵa deıingi salmaqtaǵy Jánibek Álimhanuly keshe birinshi bolyp týrnırdiń altyn medalin moınyna orady. Ol keshe fınaldyq jekpe-jeginde alań ıesi – qytaılyq boksshy Jao Mınggangti aıqyn basymdyqpen jeńdi. Eresekter dodasyna endi ǵana qosylǵan Abylaıhan Júsipov te jattyqtyrýshylar senimin aqtady. 64 kıloǵa deıingi salmaqta synǵa túsken ol Qytaı jerinde úndiniń myqty saıyskeri Manoj Kýmardy (3:0), koreıalyq Lım Hıýn-Chýldi (3:0), avstralııalyq Davıd Bıddeni (3:0) jáne qy­taılyq Hý Kıanskýndy (3:0) tize búktirdi. Endi aqtyq synda mońǵol Battarsýh Chınzorıgpen shaıqasady. Budan keıin Ádilbek Nııazymbetov (81 kg) pen Ivan Dychko (+91 kg) osy joldan ótti. Osy saparda Ádilbek koreıalyq Iang Hı-Gýendi (3:0), sırııalyq Ala Aldıh Chossoýndy (3:0) jáne túrikmen Azızbek Achılovty (3:0) joldan taıdyrsa, Ivan Jańa Zelandııa ókili Patrık Maılatany 1-raýndta nokaýtqa túsirip, ıor­danııalyq Hýsseın Eshaısh Iаshaıshti 3:0 etip tize búktirdi. Burnaǵy kúni jartylaı fınalda qarsylastaryna ese jiberip qoıǵan taǵy eki boksshymyz – Oljas Sáttibaev (52 kg) pen Qaırat Erálıev (56 kg) keshe Olımpııa lısenzııasyn beretin úshinshi oryn úshin aıqasta jeńiske jetti. Al úsh salmaq boıynsha kúsh synasatyn qyzdar quramasynda ázirge jalǵyz joldama bolsa, qalǵan ekeýin bıylǵy 16-28 mamyr aralyǵynda Astanada ótetin álem chempıonatynda toltyrady degen úmittemiz. Rýslan IGILIK.