Qoǵamdyq kómekshiler ınstıtýty engizildi

Oblys ákiminiń qoǵamdyq kómekshileri ınstıtýty óńir basshysy Berdibek Saparbaevtyń bastamasymen engizilip otyr. Qoǵamdyq kómekshilerdiń basty maqsaty oblys basshysy men turǵyndar arasyndaǵy baılanysty kúsheıtý, turǵyndardy mazalaıtyn máseleler men aýyl-aımaqtardaǵy jaǵdaılar jóninde oblys basshysyn aqparattandyrý bolyp tabylady. Oblys ákiminiń kómekshileri, sonymen birge, turǵyndardy qabyldap, kezdesý barysynda kelip túsken aqparattardy oblys ákimdigine jetkizip oty­rady. «Biz aýdan ákimderi usyn­ǵan málimetterge senemiz, alaı­da olar ózderine tıimdi máli­met­terdi beredi. Al sizderdiń min­­det­terińiz – oblys basshysyn shynaıy jaǵdaıdan habardar etip otyrý. Ásirese, bilim berý, medısınalyq qyzmet kórsetý, negizgi azyq-túlik túrler­iniń baǵasy, aýyl sharýa­shy­lyǵyn damytý sekildi áleý­mettik sala­larǵa nazar aýdarý­lary­ńyzdy suraı­myn», – dep atap ótti Berdibek Máshbekuly. Aımaq basshysynyń kómek­shileri qatarynda Aqtóbe obly­sy­nyń 12 aýdanynyń bedeldi ókil­deri bar, olar – aımaqtyń áleý­­mettik-ekonomıkalyq damýy­­na úles qosqan, qoǵam ómi­ri­ne belsendi aralasyp júrgen jandar. Al B.Saparbaev óziniń qoǵamdyq kómekshilerimen kezdesip, olarǵa kýálikterin tabys etti. Sonymen, oblys ákiminiń Alǵa aýdanyndaǵy kómekshisi bo­­lyp Qaırat Qazmaǵambetov, Áı­­t­eke bıden Rysqalı Bozbetov, Baı­ǵanın aýdanynan Ibrahım Ermekbaev, Yrǵyzdan Nurqasym Sársenbaıuly, Qarǵaly aýda­nyn­daǵy kómekshi Amanǵos Tóleýov, Mártókten Irına Syba, Muǵaljar aýdanynan Aıt­­baı Berkimbaev, Temir aý­da­nyn­daǵy kómekshi Berik Dan­dy­baev, Oıyl aýdanynan San­syz­­baı О́tkelbaev, Qobdadan Jaýǵashty Jumaǵalıev, Hromtaý aýdanynan Bekbolat Kelbatyrov jáne Shalqar aýdanynan Ilıas Rezvanov bekitildi. Aıta keterlik jaıt, qoǵam­dyq kómekshilerdiń jumys is­teýi­ne yńǵaıly bolý úshin ból­me men telefon, sonymen birge, aýdandaǵy eldi mekenderge qaty­naýyna kólik beriletin bola­dy. Kómekshiler aı saıyn aý­dan­­dar­daǵy áleýmettik-eko­no­mı­ka­lyq jáne qoǵamdyq-saıası ja­ǵ­­daıdy jaqsartý jónin­de usy­­nystaryn oblys basshy­sy­men bolǵan kezdesýde jetkizip otyrmaq. Halyq pen aımaq basshysy arasyndaǵy altyn kópir bolǵaly turǵan qoǵamdyq kómekshilerge jaýapty da abyroıly mindet júktelip otyr. Osy arqyly jer­gilikti bılik ózekti másele­lerdiń qordalanyp qalmaı, tez sheshimin tabýyna jol ashpaq. Sondaı-aq, jergilikti bılik pen halyqtyń arasyndaǵy baı­lanysty burynǵydan góri de nyǵaıtý kózdelýde.  Satybaldy SÁÝIRBAI, «Egemen Qazaqstan». Aqtóbe oblysy.