Qıyr Shyǵysta 1,3 myń gektar jer órtendi

ASTANA. 11 sáýir. Qıyr Shyǵysta orman órtinen 1,3 myń gektar jer kúlge aınaldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. «О́tken kúni Qıyr Shyǵys federaldy okrýgynda 28 orman alqaby otqa orandy, onyń 18 Prımor ólkesine qarasty. Qyzyl jalyn jalmaǵan jerdiń aýmaǵy 1,29 myń gektardy quraıdy», – dep málimdedi aımaqtyń orman sharýashylyǵy departamenti. Málimetterge sáıkes, Amýr oblysynda da mundaı jaǵdaı tirkelgen. О́rt sóndirý jumystaryna 300 adam, bir áýe kemesi jáne 54 tehnıka jumyldyryldy. «Dúısenbi kúngi jaǵdaı boıynsha, órt sóndirýshilerdiń kómegimen 19 orman alqabyndaǵy qyzyl jalyn sóndirildi. Qazirgi kezde arnaıy top Amýr oblysyndaǵy bes jáne Prımor ólkesindegi tórt ormandy sóndirýmen aınalysyp jatyr», – dep málimdedi atalǵan departament. Osy jyldyń basynan beri jalpy kólemi 3,04 myń gektar bolatyn 76 orman órtengen. Al ótken jyly bul kórsetkish 11 myń gektarǵa deıin jetken. Aıan Ábdýálı. Derek, foto: RIA «Novostı».