Álemdegi eń bıik ǵımarattyń qurylysy 2020 jyly aıaqtalady

ASTANA. 11 sáýir. Birikken Arab Ámirlikteriniń Dýbaı qalasynda salynatyn álemdegi eń bıik ǵımarattyń qurylysy 2020 jyly, ıaǵnı «EKSPO-2020» dúnıejúzilik kórmesine deıin aıaqtalady. Bul týraly «Sınhýa» aqparat agenttigine silteme jasaǵan egemen.kz tilshisi habarlady. О́tken jeksenbi kúni jańa ǵımarattyń tanystyrý rásimi ótti. Jıyn barysynda Emaar Properties kompanııasynyń basshysy Mohammed Alabbardyń aıtýynsha, bul jobaǵa shamamen 1 mıllıard dollar qarjy jumsalady. Sondaı-aq, munaranyń qanshalyqty bıik bolatyny ázirge belgisiz ekenin aıtty. Jańa ǵımarattyń qurylysy Dubai Creek Harbor jerinde ornalasqan, aýmaǵy 6 myń sharshy shaqyrymdy alady. Ishinde restorandar, dúkender jáne qonaqúıler qarastyrylǵan. Sondaı-aq, tanymal arhıtektor Santıago Kalatrava buryn-sońdy mundaı ǵımarattyń bolmaǵanyn aıtty. Aıta keteıik, búginde álemdegi eń bıik munara Dýbaıda ornalasqan. Býrdj-Halıfa ǵımaratynyń bıiktigi 828 metrdi quraıdy. Aıan Ábdýálı. Derek, foto: «Sınhýa».