Polıseıdiń erligi

bir otbasyn aman alyp qaldy Qostanaı oblysy, Taran aýdany, Vıktorov selosynda Golovkolar otbasyn jergilikti ýchaskelik ınspektor Erlan Tańjaryqov úlken qaıǵydan aman alyp qaldy. Apaly-sińlili Golovkolar qyzymen jáne qart anasymen birge turatyn. Úıde er-azamattyń joqtyǵyn paıdalanǵan bir buzaqy tún ortasynda úıge tasyrlap kirip keledi. Ol kele áıelderden aqsha men áshekeı buıymdaryn qolyna salýdy talap etken. Eki sózge kelmeı buzaqy eki áıeldiń qolyn baılap tastap, pyshaqpen qorqytty. Qarııany tósektiń ústine jatqyzyp qoıdy. Osy kezde kórshi bólmedegi tósektiń astyna tyǵylyp úlgergen 16 jasar Iýlıa ýchaskelik polıseıge telefon shalyp, úıine tez jetýin sybyrlap aıtty. Bul kezde túngi saǵat 4.00 shamasy edi, jurt qalyń uıqyda jatqan. Polıseı tez arada jetip, úıge kirgende, baılaýly eki áıeldiń janynda pyshaq ustap turǵan jigitti kórdi. Polıseı kásibı biliktiligin qoldanyp, sambo kúresiniń ádisimen sasqalaqtaǵan buzaqynyń qolynan pyshaǵyn ushyryp jiberdi, sosyn ózin ustady. Osy kezde kórshi bólmede tyǵylyp jatqan qyz shyqty. Polıseı buryn úılerdi aralap, qajet bolǵanda telefon shalý kerektigin aıtyp, vızıtkalyq kartochkasyn tastap ketken bolatyn. Kúdikti osy aýyldyń buryn sottalǵan 21 jastaǵy turǵyny bolyp shyqty. Qazir ol ýaqytsha oqshaýlaǵyshta otyr. Názıra JÁRIMBETOVA, «Egemen Qazaqstan». Qostanaı oblysy, Taran aýdany.