Keleli keńestiń bereri kóp

Elbasynyń tapsyrmasyna oraı elimizde qylmysqa qarsy kúres kúnnen kúnge qarqyn alyp keledi. Bul mindetti sapaly oryndaý úshin qýdalaý organdarynyń qyzmetine aı­tar­lyqtaı jańalyqtar da enip jatyr. Al mundaı ıgi ózge­risterdiń bári qylmyspen kúreste oń nátıjesin beretini sózsiz. Sonyń biri retinde aıtar bolsaq, keshe Astana qalasy IID Konsýltatıvtik keńes organynyń alǵashqy otyrysy ótti. Konsýltatıvtik keńes orga­nynyń alǵashqy otyrysyn Astana qalasy Ishki ister departamenti bastyǵy polısııa general-maıo­ry Amantaı Áýbákirov ashty. Departament basshysy óz sózinde Konsýltatıvtik keńes organy Memleket basshysy Nursultan Nazarbaevtyń «100 naqty qadam» – Ult Josparynda kózdelgen talaptaryn júzege asyrý maqsatynda qurylǵandyǵyn jáne organnyń basty maqsaty Qazaqstan Respýblıkasy azamattarynyń quqyqtary men bostandyqtaryn qorǵaý, polısııa qyzmetin ádil ári ashyq etý, azamattyq qoǵam men quqyq qorǵaý organdarynyń arasynda ózara baılanys ornatý bolyp tabylatyndyǵyn atap ótti. Konsýltatıvtik keńes or­ga­nynyń quramyna Parlament Má­jilisiniń depýtaty Abaı Tas­bolatov, qalalyq máslıhattyń depýtattary Janat Nurpeıisov, Záýre Júsipova, «Ulttyq-ǵylymı medısınalyq ortalyǵy» AQ bas dırektory Abaı Baıgenjın, «Ses­nabank» AQ dırektorlar keńesiniń múshesi Nıkolaı Mesherıakov, «Ulttyq-ǵylymı karıdohırýrgııa ortalyǵy» AQ dırektorlar keńesiniń tóraǵasy Qadyr Omarov jáne t.b. endi. Atalmysh keńestiń negizgi mindetteri – ishki ister organdaryna olardyń qyzmetiniń aı­qyndylyǵyn qamtamasyz etýge yqpal jasaý, halyqtyń mem­lekettiń ishki ister organdaryna senimin arttyrý, úkimettik emes uıym­dardyń quqyqtyq memleketti ny­ǵaıtýdaǵy rólin odan ári arttyrý, ishki ister organdarynyń qyzmetine konsýltatıvtik, ádis­temelik jáne ózge de qoldaýlar kór­setý, ishki ister organdarynyń qyz­metkerlerin áleýmettik máse­lelerin sheshýge yqpal etý bolyp tabylady. Al atalǵan Kon­sýltatıvtik keńes organynyń tór­aǵasy bolyp «Ulttyq ǵylymı medı­sınalyq ortalyǵy» AQ bas dı­rektory Abaı Baıgenjın saılandy. Aleksandr TASBOLATOV, «Egemen Qazaqstan».