ASTANA. 12 sáýir. Mońǵolııaǵa qarasty Altaı taýynyń 2 myń 800 metr bıik shyńdarynyń birinde VI ǵasyrda jerlengen máıit tabyldy. Bul týraly baq.kz-ke silteme jasaǵan egemen.kz tilshisi habarlady.
Arheologtardyń aıtýynsha, máıit kóne túrki taıpasyna tıesili. Sondaı-aq, sáıgúligi, ertoqymy, arqany, aǵash ydystary jáne teriden tigilgen kıimderi birge jerlengen. Osyǵan baılanysty ǵalymdar máıit ıesi joǵary taptyń ókili bolǵan degen boljam jasady.
«Biz bul orynǵa áıel adam jerlendi degen sheshim qabyldadyq. Sebebi, qabir ishinen qarý-jaraq tappadyq», – deıdi arheologtardyń biri.
Zertteý barysynda máıittiń 1500 jyl buryn jerlengeni anyqtaldy. Mamandar tarıhı jádigerlerdiń búginge deıin saqtalýynyń syryn aımaqtaǵy klımattyń qolaıly bolǵanymen baılanystyrady.
Aıan Ábdýálı.
Derek, foto: baq.kz.
