Tis emdeýdiń tyń tásili

– jas ǵalymnyń jahandyq jańalyǵy Ulybrıtanııa jáne Soltústik Irlandııa Birikken Koroldiginde «Bolashaq» baǵdarlamasy boıynsha oqyp kelgen jas maman Baýyrjan Aıtýov basqaratyn InnoDent kompanııasy medısına salasynda buryn-sońdy bolmaǵan preparat oılap tapty.  Jańa jabdyqtyń aty – InnoDent. Ol álemniń AQSh, Izraıl, Reseı, Qytaı men Japonııa sııaqty medısınasy jaqsy damyǵan memleketterinde de joq. Biz sóz etip otyrǵan InnoDent dárisi karıesti emdeýge arnalǵan. Dári tisti bastapqy kezdegi qal­­pyna keltiredi. Baýyrjan Aı­týovtyń aıtýynsha, InnoDent karıesti erte satysynda emdeý úshin paıdalanylady, tez ári aýyrt­paı emdeıdi. Búginde elimizde karıestiń Keńes Odaǵynan qalǵan medısı­nalyq tásil boıynsha emdelip jatqany belgili. Onyń keń ta­ralǵan tásili – plomba orna­tý. Bizdiń emhanalarymyzda dá­rigerler jańa sapaly plom­ba­lyq materıaldardy paıdalanady. Sońǵy kezderi karıesti aýyrtpaı emdeıtin qazirgi za­manǵy stomatologııalyq qural-jabdyqtar qoldanylady. Qazir, jasyratyny joq, adamdardyń barlyǵy karıesti emdeý úshin osy tásilge júginedi. Adamdar tisti tazalap, plomba jasatyp alýǵa úırengen. Ony ózimiz de jasatatynymyz jasyryn emes. Al Baýyrjan Aıtýovtyń usynyp otyrǵan tásili múldem basqasha. Onyń aıtýynsha, karıesti plomba jasatyp emdeý ýaqytsha nárse. – Plomba sapasyna qaraı bir­neshe jyl ǵana turady. Sondyqtan osy kúnge deıin karıesti plomba jasatyp tolyq emdeý múmkin bolmaı tur. Al bizdiń oılap shyǵarǵan preparatymyz buzylǵan emaldi qaıta qalpyna keltirý jolyn usyna alady. InnoDent dárisi emal­diń tabıǵı ósip-jetilýine yqpal etedi. Sonyń nátıjesinde, hımııalyq preparattar men akrıldi materıaldardy paıdalanbaı-aq karıestiń kesirinen buzylǵan emaldi jańadan qalpyna kel­tirip, ósirip shyǵarýǵa bolady. Emdeý uzaqtyǵy – 15 mınýt.  Em aýyrtpaı jasalady. Jańa emal bir aıda ósip shyǵady. Ol úshin jańa preparattyń bir tamshysy jetip jatyr. Tyń tehnologııa karıesti hırýrgııalyq ádissiz emdep shyǵýǵa jańa múmkindik beredi. Muny tis emdeý salasyndaǵy sony jańalyq dese bolady, – deıdi ol. Baýyrjan Aıtýov bul joba­ny birinshi jyly «Damý» baǵ­darlamasy boıynsha júzege asyr­ǵan. Sosyn Astanada eki jyl ju­mys istepti. Atalmysh jobany ǵy­lymı ǵana emes, sondaı-aq, bız­nes­tik joba dese de bolady. Muny ol ózi de jasyrmaıdy. Osy jobany bızneske aınaldyrý úshin aldymen bıznes-jospar, onyń joldary bolý kerek deıdi. Onyń aıtýynsha, qazir Qazaqstan men Reseıde InnoDent prepara­tyna qyzyǵyp jatqan eki-úsh kompanııa bar. «Qazir biz­diń jumysymyzǵa, jobamyzǵa qyzyǵýshylyq tanytyp jatqan kompanııalar tabyldy. Solar arqyly dárilerdi stomatologııalarǵa jet­kizýge ty­­­rysamyz. Degenmen, bizdiń ne­­­gizgi maqsatymyz aqsha taýyp, paıda kórý emes. Dál qa­zir biz dárigerlerge jańa dárini qoldanýdy úıretip, tájirıbe bólisýdi maqsat etip otyrmyz. Sodan keıin ǵana kóterme saýda arqyly naryqqa shyǵamyz. Ol úshin biz aldymen ǵylymı patent alýymyz kerek. Qazir eli­mizde dáriniń patenti bar. Endi Reseı men Qytaıda patent alsaq, shetelderdiń naryǵyna shyǵa alamyz. Ásirese, bizdi Qytaı qatty qyzyqtyryp otyr. О́ıtkeni, ol úlken naryq», – deıdi ol. Dastan KENJALIN, «Egemen Qazaqstan»