Jambyl óńirinde ıgerilmegen jerler qaıtarylady

TARAZ. 20 sáýir. Jambyl oblystyq jer paıdalaný jáne qorǵaý basqarmasy tarapynan ótken jyly 324 tekserýler júrgizilip, 186 zańbuzýshylyq anyqtaldy. Bul týraly egemen.kz tilshisi habarlady. Zańbuzýshylyqtar boıynsha 128 eskertý jáne 58 adamǵa 8,3 mln.teńge kóleminde aıyppul salyndy. Onyń ishinde: aýyl sharýashylyǵy maqsatyndaǵy jerlerin paıdalanbaǵan 127 adamǵa bir jyldyq eskertý berildi. Al aıyppul salynǵan 20 zańbuzýshy 2,6 mln.teńge aıyppuldy tólese, 5 adamǵa qatysty salynǵan 892 myń teńge aıyppuldy májbúrlep óndirý sharalary qoldanylýda. О́tinishter men suranystar negizinde osy zańbuzýshylyqtardyń ishinde 3 adamǵa nysanaly maqsatyn buzǵany úshin aıyppul salyndy. Budan bólek Taraz qalasy ákimdiginiń jer qatynastary bóliminiń suranys hatyna sáıkes jer ýchaskelerin paıdalanbaı otyrǵan 69 jer ýchaskeleri boıynsha tolyq zerdeleý jáne tekserý sharalary atqaryldy. Nátıjesinde zańbuzýshylyq anyqtalǵan 23 jer ýchaskesi boıynsha 1 jyldyq habarlama berilip, ádilet mekemesimen aýyrtpashylyq qoıyldy. Jalpy Taraz qalasy boıynsha osyndaı 27 kásipkerlik maqsattaǵy jáne Merki aýdanynda 2 jer ýchaskesi anyqtalyp jáne shara qoldanylyp, tıisti memlekettik kirister basqarmasyna aǵymdaǵy jyldyń 15 aqpanynda osy jer ýchaskelerine jer salyǵynyń 10 ese kóbeıtilgen bazalyq mólsherlemesin qoldaný usynyldy. «Al bıylǵy jyly 39 tekserý jumystary atqarylyp, 29 zańbuzýshylyq faktileri tirkeldi. 15 adamǵa 4,3 mln. teńge kóleminde aıyppul salynsa, aýyl sharýashylyǵy jerlerin paıdalanbaǵan 13 adam men nysanaly maqsatyn buzǵany úshin bir jer paıdalanýshyǵa eskertý jáne qurylys úshin arnalǵan jerin paıdalanbaǵan bir adamǵa bir jyldyq habarlama berildi»,  dedi bul týraly О́ńirlik kommýnıkasııalar qyzmetinde ótken brıfıngte Jambyl oblystyq jer paıdalaný jáne qorǵaý basqarmasynyń basshysy Serikbaı Tápeev. Oralhan Dáýit.   Derek, foto: egemen.kz