Jambyl oblysynda 23 465 adamǵa aqshalaı kómek kórsetildi

TARAZ. 20 sáýir. «Jambyl oblysynda 2014-2015 jyldar aralyǵynda «О́rleý» serpindi» baǵdarlama engizilip, sonyń aıasynda 2014 jyldan beri aqshalaı kómek taǵaıyndalýda. Bul týraly egemen.kz tilshisi habarlady. Shartty aqshalaı kómek az qamtylǵan otbasyndaǵy eńbek jasyndaǵy azamattardyń mindetti túrde memlekettiń jumyspen qamtý sharalaryna qatysqan jaǵdaıda ǵana taǵaıyndalady. О́ńirlik kommýnıkasııalar qyzmetinde ótken brıfıngte Jambyl oblysy ákimdigi jumyspen qamtýdy úılestirý jáne áleýmettik baǵdarlamalar basqarmasynyń áleýmettik kómek jáne áleýmettik normatıvter bóliminiń basshysy Ǵazıza Sadyrbaeva oblysta «О́rleý» baǵdarlamasy engizilgeli shartty aqshalaı kómekpen 23465 adam qamtylǵanyn aıtty. Baǵdarlama aıasynda 5511 adam nemese jumysqa jaramdy jastaǵy shartty aqshalaı kómek alýshylardyń 92,3 paıyzy, jumyspen qamtý sharalaryna tartyldy. Nátıjesinde oblysta tabysy kedeılik sheginen tómen turatyn azamattardyń úlesi 2014 jyldan beri eki ese qysqaryp, 0,4 paıyz boldy. Ataýly áleýmettik kómek alýshylar ishindegi jumysqa jaramdy azamattardyń úlesi 27,2 paıyzǵa deıin tómendedi. Oralhan Dáýit. Derek, foto: egemen.kz