TARAZ. 20 sáýir. Taraz memlekettik pedagogıkalyq ınstıtýtynda «Memleket jáne qoǵam qaıratkeri M.Joldasbekov akademııalyq utqyrlyq jáne halyqaralyq baılanystar» ortalyǵynyń ashylý rásimi ótti. Bul týraly egemen.kz tilshisi habarlady.
«Otanynyń patrıoty retinde saıası-dıplomatııalyq joldar arqyly Qazaqstannyń halyqaralyq bedelin, memlekettik múddelerin qoıa bilgen M. Joldasbekovtyń ereń eńbegin keıingi urpaq bile júrsin degen maqsatpen ınstıtýtymyzda ıgi is jasalyp otyr. Instıtýtymyzda «Memleket jáne qoǵam qaıratkeri M.Joldasbekov atyndaǵy akademııalyq utqyrlyq jáne halyqaralyq baılanystar» ortalyǵy ashyldy. Bul ortalyqtyń negizgi mindeti ınstıtýt shet eldiń jetekshi joǵary oqý oryndarymen, ǵylymı-zertteý ınstıtýttarymen ylǵı da baılanystar ornatyp, bilim berý salasyn kemeldendirý máseleleri boıynsha seriktestik qatynastaryn nyǵaıtyp otyrý», dedi bul jóninde Taraz memlekettik pedagogıkalyq ınstıtýtynyń rektory Darııa Qojamjarova.
Búgingi tańda Taraz memlekettik pedagogıkalyq ınstıtýty alys jáne jaqyn sheteldiń 22 eliniń (Germanııa, Ulybrıtanııa, Fransııa, Ispanııa, Qytaı, Túrkııa, Polsha, Latvııa, Lıtva, Avstrııa, Chehııa, AQSh, Malaızııa, Bolgarııa, Reseı, Ýkraına, Belarýs, Armenııa, Ázerbaıjan, Tájikstan, О́zbekstan jáne Qyrǵyzstan) 50 joǵary oqý oryndarymen, uıymdarymen jáne de ǵylymı-zertteý ınstıtýttarymen eki-jaqty kelisim-sharttar men memorandýmdar jasady. Jıyn sońynda ǵalymnyń ómirjoly týraly derekti fılm kórsetildi.
Oralhan Dáýit.
Derek, foto: egemen.kz
