ALMATY. 20 sáýir. Almaty qalasynda Qazaq memlekettik qyzdar ýnıversıtetinde respýblıkalyq «Y.Altynsarın-2016» pándik olımpıadasy aıaqtaldy. Bul týraly «Qyzdar ýnıversıteti» medıa ortalyǵyna silteme jasaǵan egemen.kz tilshisi habarlady.
Elimizdiń mektep bitirýshileri arasynda ótkizilgen pándik olımpıada aqpan aıynyń aıaǵynda elimizdiń jeti birdeı oblysynda bastalǵan bolatyn. Qazaq tili men ádebıeti, orys tili men ádebıeti, aǵylshyn tili, fızıka, bıologııa, geografııa, dúnıejúzi tarıhy jáne hımııa pánderi boıynsha ótkizildi.
Sharanyń basty maqsaty – respýblıkamyzdyń talantty jastaryn anyqtap, qoldaý kórsetý, daryndy jastardyń óz qabiletterin júzege asyrýyna yqpal etý, mektep bitirýshi túlekterge mamandyq tańdaýǵa kómektesý, daryndy talapker qyzdardy Qazaq memlekettik qyzdar pedagogıkalyq ýnıversıtetine shaqyrý bolyp tabylady. Osymen besinshi ret ótkizilgen jarystyń ereksheligi – oǵan tek qana qyz balalar qatysady.
Naýryz merekesimen tuspa-tus kelgen mereıtoılyq olımpıadanyń marapattaý rásimin ýnıversıtet rektory Dınar Nóketaeva saltanatty túrde ashyp, barsha júldegerlerdi jeńisterimen quttyqtady.
Bıyl respýblıkalyq deńgeıde ótken «Y. Altynsarın-2016» pándik olımpıadasyna elimizdiń barlyq oblystarynan 3500-ge jýyq oqýshylar qatysty. 600-ge jýyq qatysýshy ýnıversıtettiń oqý tólemaqysyna 10 paıyzdyq jeńildik quqyǵyna ıe boldy. Al rektor grantyn 24 oqýshy jeńip aldy.
Aınash Esalı.
Derek, foto: «Qyzdar ýnıversıteti» medıa ortalyǵy.
