M.Áýezov teatry Jetisý óńirine gastroldik saparmen barady

ALMATY. 20 sáýir. Almatydaǵy M.Áýezov atyndaǵy Qazaq memlekettik akademııalyq drama teatry óziniń 90 jyldyǵy aıasynda gastroldik saparmen 21-22 sáýirde Taldyqorǵan jáne Tekeli qalalaryna barady. Bul týraly teatrdyń baspasóz qyzmetine silteme jasaǵan egemen.kz tilshisi habarlady. Bul saparda teatr ujymy Israıl Saparbaıdyń «Syǵan serenadasy» mýzykalyq dramasyn sahnalaıdy. Al Shámshi Qaldaıaqovtyń ómiri men mahabbaty jaıly spektaklde óner kórsetetin akterler men qoıylym tobyn teatrdyń kórkemdik jetekshisi, KSRO halyq artısi Asanáli Áshimov jáne teatr dırektory, Eńbek sińirgen qaıratkeri Erlan Bilál bastap barady. Shámshi rólinde – Bekjan Turys, «Syǵan serenadasynyń» dúnıege kelýine arqaý bolǵan syǵan qyzy Izolda beınesinde – Shynar Janysbekova, Baron rólinde – Úsiphan Seıtimbet, Baronessa rólinde – Eńbek sińirgen artısi Ǵazıza Ábdinábıeva óner kórsetedi. Sonymen qatar, Jetisý óńiriniń turǵyndary «Serper» Jastar odaǵy syılyǵynyń laýreaty Almas Shaıahmetov, Eńbek sińirgen artısi Shámshágúl Meńdııarova, «Serper» Jastar odaǵy syılyǵynyń laýreaty Lázzat Qaldybekova, «Serper» Jastar odaǵy syılyǵynyń laýreaty Jasulan Baısalbekov, Naz Jekenova, Baýyrjan Mańjigitov, Zamıra Sapar, Qaırat Nábıolla, Abzalbek Ashatuly, Araı О́mirova, Jánel Maqajan, Nurǵısa Qýanyshbaıuly, Ásem Abenova syndy óner sańlaqtarymen qaýysha alady. Aınash Esalı. Derek, foto: M.Áýezov atyndaǵy Qazaq memlekettik akademııalyq drama teatrynyń baspasóz qyzmeti.