Shymkentte múgedekten para alǵan departament basshysy ustaldy

ASTANA. 20 sáýir. Eńbek, áleýmettik qorǵaý jáne kóshi-qon komıtetiniń Ońtústik Qazaqstan oblysy boıynsha departament basshysy múgedek jannan para alý barysynda ustaldy. Bul týraly korrespondent.kz-ke silteme jasaǵan egemen.kz tilshisi habarlady. Atalǵan departamentti basqaratyn Beıbit Syzdyqovqa oblystaǵy múgedekterden qarjy jınap kelgen degen aıyp taǵyldy. Ony sybaılas jemqorlyqqa qarsy kúres bıýrosynyń mamandary 100 myń teńge kóleminde para alyp jatqan jerinen ustaǵan. «Syzdyqov aýdandyq bólim basshylarymen sóz baılasyp, eńbekke jaramsyz, múgedek jandardan múgedektikke tirkeý úshin nemese onyń merzimin uzartyp berý úshin aqsha jınaýdyń júıesin qurǵan», – deıdisybaılastyqqa qarsy kúres mamandary. Quqyq qorǵaýshylar ustaıtyn sátte ol múgedek jannan 100 myń teńge kóleminde para alyp jatqan. Bul qarajat úshin ol múgedektiktiń merzimin uzartyp bermek bolypty. Qazirgi tańda kúdikti qamaýǵa alynyp, tergeý amaldary júrip jatyr. Aıta keteıik, Beıbit Syzdyqov departamenttiń basshylyq tizginin alǵanǵa deıin Otyrar aýdany men Túrkistan qalasynyń ákimi bolǵan. Talǵat Raıymbek. Derek, foto: korrespondent.kz.