Vengrııanyń qurmetti konsýldyǵy

Oblys ákimi Berdibek Saparbaev Vengrııanyń Qazaq­standaǵy Tótenshe jáne ókiletti elshisi Andrash Baranımen kezdesti. Kezdesý barysynda ekijaqty ózara tıimdi yntymaqtastyq pen birlesken jobalardy júzege asyrý týraly áńgime boldy. О́ńir basshysy ázirge eki ara­daǵy saýda-ekonomıkalyq baılanystardyń kemshindigin, oblys pen Vengrııa arasyndaǵy taýar aınalymy nebári 10 mıllıon dollardy ǵana quraıtynyn atap ótti. Bolashaqqa josparlanǵan izdenisti qadamdar júzege assa, bul baǵytta anaǵurlym ilgerileý bolatynyn jetkizdi. Oǵan Aq­tóbede ashylǵan Vengrııanyń konsýldyǵynyń yqpaly zor bolatynyn tilge tıek etti. Aı­maq basshysy qazaqtar men majarlardyń arasynda ejelden tarıhı jáne mádenı baılanystyń qalyptasqanyn da jınalǵandar jadynda jańǵyrtty. Toǵyz joldyń torabynda orna­lasqan oblys sheteldik ınves­torlar úshin tartymdy óńir ekenin aıta kelip, elshilik ókilderine osyndaı artyqshylyqtardy tıimdi paıdalaný joldaryn tarqata baıandady, eki eldiń arasynda ózara ekonomıkalyq baılanystyń nyǵaıa beretinine senim bil­dirdi. Oblystyń iskerlik izdenister boıynsha elimizde Astanadan keıingi ekinshi orynda turǵanyn baıandady. Oblys ekonomıkasynyń negizin munaı-gaz salasy quraǵanymen, óńirde jerasty qazba baılyqtarynyń basqa da túrleri mol ekeninen habardar etti. Jıyn barysynda jylyjaı qurylysy, aýyz sýdy tazartý, kókónis óńdeý óndirisi, sút jáne sút ónimderi men bıdaıdy qaıta óńdeý baǵytyndaǵy jobalardy júzege asyrýdyń múmkindigi mol ekeni aıtyldy. Kezdesýde sóz alǵan A.Bara­nı eki eldiń arasynda saıası, ekonomıkalyq, áleýmettik, mádenı salada birqatar jobalar qolǵa alynyp jatqanyn atap ótti. Sonyń shynaıy kó­rinisi retinde Qazaqstannyń aýyl sharýashylyǵy salasyna tikeleı ınvestısııa tartýmen shuǵyldanatyn birlesken qordyń qurylýyn kóldeneń tartty. Atalǵan qorǵa «QazAgro» ulttyq kompanııasy men Vengrııanyń «Eksımbanki» 20 mıllıon dollardan – jalpy 40 mıllıon dollar salǵanyn jetkizdi. Vengrııa – oblysta óz kon­sýldyǵyn ashqan ekinshi eý­ro­palyq el. Qańtar aıynda bizdiń óńirge osyndaı mıssııamen chehtar kelgen bolatyn. Sondaı-aq, Aqtóbede Túrkııa jáne Ońtústik Koreıa óz ókildikterin ashýdy jos­parlap otyr. Sonymen Vengrııanyń Qazaq­standaǵy qurmetti konsýly bolyp KAZENERGY qa­ýym­dastyǵy tóraǵasynyń orynbasary Janbolat Sársenov taǵaıyn­daldy. Satybaldy SÁÝIRBAI, «Egemen Qazaqstan»  Aqtóbe oblysy