Chempıondar lıgasynyń jartylaı fınaly bastaldy

ASTANA. 27 sáýir. Búgin Manchester qalasynda fýtboldan Chempıondar lıgasynyń jartylaı fınaly bastaldy. Bul týraly egemen.kz tilshisi habarlady. «Manchester Sıtı» óz alańynda Madrıdtiń «Real» komandasyn qabyldap, 0:0 esebimen teń tústi. Bul komandalar bıylǵy Chempıondar lıgasynyń toptyq týrnırinde eki ret kezdesken bolatyn. Sol oıyndardyń birinde «Real» «Manchester Sıtıdi» syrt alańda 3:2 esebimen jeńse, ekinshi matchta qarsylastar 1:1 esebimen teń tarasty. Qyzyq bolǵanda, aǵylshyndar birinshi oıynda Ispanııanyń ataqty klýbyn 2:0 esebimen utyp jatyp, 3:2 esebimen utylǵan edi. Osy oıynda qonaqtar sońǵy eki goldy 87 jáne 90 mınýttarda soǵyp, alań ıelerin san soqtyryp ketken. Búgingi matchta Roberto Manchınıdiń komandasy sol jolǵy eseni qaıtarýǵa tyrysyp oınady. Alaıda, «Manchester Sıtı» 90 mınýt boıy Ispanııa klýbyna dop soǵa almaı ketti. Kezdesýde «Real» da qarap otyrmady. Oıynda komandanyń basty shabýylshysy Krıshtıaný Ronaldý bolmaǵanymen Benzema, Beıl, Vaskes, Modrıchter bir gol soǵyp, Pıreneı túbegine úsh upaıdy áketýge baryn saldy. Jalpy, oıyn komandalardyń alma-kezek shabýyldarymen ótti. Bul kezdesýde birinshi bolyp esep ashqan komanda jeńetin edi. Biraq, 90 mınýt boıy bir-biriniń júıkesin juqartqan jasaqtar tas qamaldaı qorǵanǵan qaqpalardyń kiltin sol kúıi taba almaı ketti. ÝEFA Chempıondar lıgasy 1/2 fınalyndaǵy qarsylastardyń birinshi matchy. 26 sáýir. Manchester. «Etıhad Stedıým» stadıony.   Tóreshi: Chakyr Djıýneıt  (Túrkııa) «Manchester Sıtı: Hart, Sanıa, Kompanı (kapıtan), Otamendı, Klıshı, Fernando, Fernandıno, Navas (Sterlıng 77’), Sılva (Ihenacho 41’), De Brıoıne, Agýero. «Real» (Madrıd): Navas, Karvahal, Ramos (kapıtan), Pepe, Marselo, Kroos, Kasemıro, Modrıch, Beıl, Vaskes, Benzema (Hese 46’) Eskertý aldy:  Sılva 38’ — Pepe 24’ Karvahal 90' Dastan Kenjalın. Derek, foto: eurosport, euro-football.ru, EPA/URG Vıdeo: vkontakte áleýmettik jelisi.