Qazaqstan Respýblıkasy Úkimetiniń qaýlysy №227

2016 jylǵy 15 sáýir,  Astana, Úkimet Úıi Qazaqstan Respýblıkasynyń aýmaǵynda  Atom energııasy jónindegi halyqaralyq agenttiktiń ınspeksııalaryn uıymdastyrý qaǵıdalaryn bekitý týraly «Atom energııasyn paıdalaný týraly» 2016 jylǵy 12 qańtardaǵy Qazaqstan Respýblıkasynyń Zańy 5-babynyń 8) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Qazaqstan Respýblıkasynyń aýmaǵynda Atom energııasy jónindegi halyqaralyq agenttiktiń ınspeksııalaryn uıymdastyrý qaǵıdalary bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV Qazaqstan Respýblıkasy Úkimetiniń 2016 jylǵy 16 sáýirdegi №227 qaýlysymen bekitilgen Qazaqstan Respýblıkasynyń aýmaǵynda Atom energııasy jónindegi halyqaralyq agenttiktiń ınspeksııalaryn uıymdastyrý qaǵıdalary 1. Jalpy erejeler 1. Osy Qazaqstan Respýblıkasynyń aýmaǵynda Atom energııasy jónindegi halyqaralyq agenttiktiń ınspeksııalaryn uıymdastyrý qaǵıdalary (budan ári - Qaǵıdalar) «Atom energııasyn paıdalaný týraly» 2016 jylǵy 12 qańtardaǵy Qazaqstan Respýblıkasynyń Zańy 5-babynyń 8) tarmaqshasyna sáıkes ázirlendi jáne 1994 jylǵy 26 shildede qol qoıylǵan jáne Qazaqstan Respýblıkasy Prezıdentiniń 1995 jylǵy 19 maýsymdaǵy №2344 Jarlyǵymen ratıfıkasııalanǵan Qazaqstan Respýblıkasy men Atom energııasy jónindegi halyqaralyq agenttik arasyndaǵy Iаdrolyq qarýdy taratpaý týraly shartqa baılanysty kepildikterdi qoldaný týraly kelisimge (budan ári - Kepildikter týraly kelisim) jáne 2004 jylǵy 6 aqpanda qol qoıylǵan jáne Qazaqstan Respýblıkasynyń 2007 jylǵy 19 aqpandaǵy №229 Zańymen ratıfıkasııalanǵan Kepildikter týraly kelisimge Qosymsha hattamaǵa sáıkes Qazaqstan Respýblıkasynyń aýmaǵynda Atom energııasy jónindegi halyqaralyq agenttiktiń ınspeksııalaryn uıymdastyrý tártibin belgileıdi. 2. Osy Qaǵıdalarda mynadaı uǵymdar men anyqtamalar paıdalanylady: 1) materıaldyq-teńgerimdik esepke alý qujattary - ıadrolyq materıaldardyń múkámmaldyq mólsheriniń ózgeristerin, ıadrolyq materıaldardy ólsheý nátıjelerin, ıadrolyq materıaldardyń múkámmaldyq mólsherin, ıadrolyq materıaldyń tirkelgen múkámmaldyq mólsherin jáne ıadrolyq materıaldyń is júzindegi naqty mólsherin ózgertýdi anyqtaǵan kezde jasalǵan naqtylaýlar men túzetýler týraly aqparatty qamtıtyn qujattar; 2) paıdalanýdy esepke alý qujattary - onyń negizinde ıadrolyq materıaldyń mólsheri men quramynyń ózgeristeri anyqtalatyn ıadrolyq qondyrǵyny paıdalaný derekterin qamtıtyn qujattar; 3) ýákiletti organ - atom energııasyn paıdalaný salasynda basshylyqty júzege asyratyn ortalyq atqarýshy organ. 2. Qazaqstan Respýblıkasynyń aýmaǵynda Atom energııasy jónindegi halyqaralyq agenttiktiń ınspeksııalaryn uıymdastyrý 3. Atom energııasy jónindegi halyqaralyq agenttik (budan - ári - MAGATE) Qazaqstan Respýblıkasynyń aýmaǵynda ınspeksııa júrgizý úshin ýákiletti organǵa aldyn ala jazbasha habarlama jiberedi. 4. Ýákiletti organ MAGATE-nyń ınspeksııa júrgizý týraly habarlamasyn alǵannan keıin mynadaı is-sharalardy júrgizedi: 1) bir jumys kúni ishinde ınspeksııalanatyn uıymǵa aldaǵy ınspeksııa týraly habarlama jiberedi. Habarlamada Kepildikter týraly kelisimniń 82-babyna sáıkes ınspeksııa túri, MAGATE ınspektorlarynyń pasporttyq derekteri, ınspeksııany júrgizý merzimderi jáne MAGATE ınspektorlary josparlaǵan is-sharalar tizbesi kórsetiledi; 2) ınspeksııalanatyn uıymnyń MAGATE ınspektorlarymen ózara is-qımylyn úılestirýdi júzege asyrady. Kepildikter týraly kelisimniń 70-babyna sáıkes arnaýly maqsattaǵy ınspeksııa júrgizý kezinde MAGATE ınspektorlaryna ýákiletti organ qyzmetkeriniń ilesip júrýin qamtamasyz etedi. 5. Inspeksııalanatyn uıym MAGATE-nyń josparlanǵan ınspeksııasy týraly habarlamany alǵannan keıin: 1) MAGATE ınspektorlarymen jumystardy júrgizýge jaýapty adamdardy taǵaıyndaıdy; 2) MAGATE ınspeksııasyn júrgizý jónindegi is-sharalar josparyn ázirleıdi; 3) Qazaqstan Respýblıkasynyń Ulttyq qaýipsizdik komıtetin aldaǵy ınspeksııa týraly habardar etedi. 6. Inspeksııalanatyn uıym MAGATE ınspeksııasyn júrgizý kezinde: 1) MAGATE ınspektorlarynyń jumysy úshin úı-jaı beredi; 2) MAGATE ınspektorlaryn qajetti jeke qorǵaný jáne gıgıena quraldarymen qamtamasyz etedi; 3) densaýlyqty saqtaý men qaýipsizdik tehnıkasy jónindegi qaǵıdalar týraly nusqama júrgizedi; 4) MAGATE ınspektorlaryna qajetti qujattamany, onyń ishinde uıymda ıadrolyq materıaldardy esepke alýǵa jáne baqylaýǵa jaýapty adam qol qoıǵan, ınspeksııalaý kúniniń aldyndaǵy kúngi jaǵdaı boıynsha materıaldyq-balanstyq jáne paıdalanýdy esepke alý qujattaryn jáne kásiporynnyń uıymdyq qurylymyna qatysty aqparatty usynady; 5) vedomstvolyq baǵynysty aýmaqta júrip turýy úshin MAGATE ınspektorlaryn baılanyspen jáne kólikpen qamtamasyz etedi; 6) vedomstvolyq baǵynysty aýmaqta MAGATE ınspektorlaryna ilesip júrýdi qamtamasyz etedi; 7) ınspeksııa júrgizý ýaqytynda MAGATE ınspektorlary josparlaǵan is-sharalardyń oryndalýyn qamtamasyz etedi; 8) ınspeksııa júrgiziletin oryndarǵa kelýdi qamtamasyz etedi; 9) ınspektorlardyń esepke alý qujattaryn qaraýyn, eger olar aǵylshyn, ıspan, orys nemese fransýz tilderinde júrgizilmese, jeńildetý maqsatynda sharalar qabyldaıdy; 10) MAGATE ınspeksııalyq jumystaryn júrgizý úshin onyń ishinde ólsheý jáne baıqaý jabdyqtaryn ornatý jáne paıdalaný, mórler men basqa da aralasýdy ındıkasııalaý qurylǵylaryn ornatý, kózben baıqaýdy júrgizý jáne kelisilgen oryndardy sýretke túsirý úshin jaǵdaıdy qamtamasyz etedi; 11) MAGATE ınspektorlary synamalardy iriktegen jaǵdaıda, olardy saqtaýdy jáne kelisilgen merzimde MAGATE kóliktik qyzmet kórsetetin tasymaldaýshyǵa berýdi júzege asyrady. 7. Inspeksııa júrgizilgennen keıin uıym 10 jumys kúni ishinde ýákiletti organǵa MAGATE ınspektorlary júrgizgen jumystar týraly esepti usynady. 8. Ýákiletti organ MAGATE-dan aqparatty alǵannan keıin 10 jumys kúni ishinde uıymdy MAGATE ınspektorlary júrgizgen ınspeksııanyń nátıjeleri týraly habardar etedi.