Qazaqstan Respýblıkasynyń Zańy №394

«Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly

Osy Zań Qazaqstan Respýblıkasy Tuńǵysh Prezı­dentiniń – Elbasynyń bastamasy boıynsha qurylatyn «Nazarbaev Ýnıversıtetiniń» (budan ári – Ýnıversıtet), «Nazarbaev Zııatkerlik mektepteriniń» (budan ári – Zııatkerlik mektepter) jáne «Nazarbaev Qorynyń» (budan ári – Qor) quqyqtyq mártebesin jáne olardyń qurylýy men qyzmetiniń aıryqsha quqyqtyq rejimin aıqyndaıdy. 1-taraý. JALPY EREJELER 1-bap. Osy Zańda paıdalanylatyn negizgi uǵymdar Osy Zańda mynadaı negizgi uǵymdar paıdalanylady: 1) derbes bilim berý uıymy – Qazaqstan Respýb­lı­ka­synyń Úkimeti quratyn, quqyqtyq mártebesi jáne qyz­metiniń aıryqsha quqyqtyq rejimi osy Zańmen aıqyn­da­latyn, músheligi bolmaıtyn kommersııalyq emes uıym; 2) Zııatkerlik mektepter uıymdary – Zııatkerlik mektepter quratyn kommersııalyq emes uıymdar, daýys beretin aksııalarynyń (jarǵylyq kapıtalǵa qatysý úlesteriniń) elý jáne odan kóp paıyzy menshik nemese senimgerlik basqarý quqyǵymen Zııatkerlik mektepterge tıesili basqa da zańdy tulǵalar, sondaı-aq olardyń enshiles uıymdary; 3) Ýnıversıtet uıymdary – Ýnıversıtet quratyn kom­mersııalyq emes uıymdar, daýys beretin ak­sııa­la­rynyń (jarǵylyq kapıtalǵa qatysý úlesteriniń) elý jáne odan kóp paıyzy menshik nemese senimgerlik bas­qarý quqyǵymen Ýnıversıtetke tıesili basqa da zańdy tulǵalar, sondaı-aq olardyń enshiles uıymdary. 2-bap. Qazaqstan Respýblıkasynyń Ýnıversıtet,  Zııatkerlik mektepter jáne Qor týraly zańnamasy 1. Qazaqstan Respýblıkasynyń Ýnıversıtet, Zııatkerlik mektepter týraly jáne Qor týraly zańnamasy Qa­zaqstan Respýblıkasynyń Konstıtýsııasyna negizdeledi, osy Zańnan jáne Qazaqstan Respýblıkasynyń ózge de normatıvtik quqyqtyq aktilerinen turady. 2. Bilim berý, ǵylymı jáne (nemese) ǵylymı-teh­nı­kalyq qyzmetti retteıtin Qazaqstan Respýblıkasynyń zańnamasy Ýnıversıtetke, Zııatkerlik mektepterge jáne Qorǵa osy Zańmen rettelmegen bóliginde qoldanylady. 3. Eger Qazaqstan Respýblıkasy ratıfıkasııalaǵan halyqaralyq shartta osy Zańdaǵydan ózgeshe qaǵıdalar belgilense, onda halyqaralyq sharttyń qaǵıdalary qoldanylady. 3-bap. Ýnıversıtet, Zııatkerlik mektepter jáne Qor qyzmetiniń qaǵıdattary Ýnıversıtettiń, Zııatkerlik mektepterdiń jáne Qor­dyń qyzmeti mynadaı qaǵıdattarǵa negizdeledi: 1) akademııalyq erkindik qaǵıdaty – Ýnıversıtettiń jáne Zııatkerlik mektepterdiń bilim berý baǵ­dar­la­ma­laryn, bilim berý qyzmetin júzege asyrýdyń nysandary men ádisterin, ǵylymı zertteýlerdi júrgizý baǵyttaryn ázirleý men tańdaýdaǵy erkindigi; 2) bilimniń, ǵylym men óndiristiń ıntegrasııasy qa­ǵıdaty – Ýnıversıtettegi jáne Zııatkerlik mektepterdegi bilim berý úderisiniń ǵylymı jáne praktıkalyq qyz­met­ten ajyraǵysyzdyǵy, ǵylym jáne kásipkerlik uıym­darymen strategııalyq áriptestikti qamtamasyz etý; 3) derbestik jáne ózin-ózi basqarýshylyq qaǵıdaty – Ýnıversıtettiń, Zııatkerlik mektepterdiń jáne Qordyń qar­jy-ekonomıkalyq, ákimshilik basqarýdaǵy, sheshimder qabyldaýdaǵy oqshaýlyǵy men erkindigi; 4) sheshimder qabyldaýdyń alqalyq qaǵıdaty – Ýnıversıtet, Zııatkerlik mektepter jáne Qor qyzmetine baı­lanysty sheshimderdi olardyń qamqorshylyq keńes­teriniń, Joǵary qamqorshylyq keńestiń qabyldaýy; 5) áleýmettik jaýapkershilik pen ashyqtyq qaǵıdaty – Ýnıversıtettiń, Zııatkerlik mektepterdiń jáne Qordyń qoǵamnyń ál-aýqatyn jaqsartý maqsatynda áleýmettik mańyzy bar jobalardy ázirleýi jáne olarǵa qatysýy, óz qyzmetiniń barlyq baǵyttary boıynsha aqparattyq ashyqtyqty qamtamasyz etýi. 2-taraý. ÝNIVERSITETTIŃ, ZIIаTKERLIK MEKTEPTERDIŃ JÁNE QORDYŃ QUQYQTYQ MÁRTEBESI 4-bap. Ýnıversıtettiń, Zııatkerlik mektepterdiń  jáne Qordyń quqyqtyq mártebesi 1. Ýnıversıtet orta bilimnen keıingi, joǵary, joǵary oqý ornynan keıingi jáne qosymsha bilim berý sa­la­syn­daǵy qyzmetti, ǵylymı jáne (nemese) ǵylymı-teh­nıkalyq qyzmetti júzege asyrý, qazirgi zamanǵy bilim berý, ǵylymı ınfraqurylymdy qurý jáne óziniń jarǵysyna sáıkes ózge de qyzmetti júzege asyrý maqsatynda qurylatyn derbes bilim berý uıymy bolyp tabylady. Ýnıversıtet bilim jáne ǵylym salasyndaǵy ınnovasııalyq baǵdarlamalardy ázirleýdi, olarǵa monıtorıng júrgizýdi, zertteýdi, taldaýdy, baıqaýdan ót­ki­zýdi, engizý men iske asyrýdy júzege asyratyn eks­perımenttik alań bolyp tabylady. 2. Zııatkerlik mektepter mektepke deıingi tárbıe men oqytý, orta, qosymsha bilim berý salasyndaǵy qyzmetti jáne óziniń jarǵysyna sáıkes ózge de qyzmetti júzege asyrý maqsatynda qurylatyn derbes bilim berý uıymy bolyp tabylady. Zııatkerlik mektepter bastaýysh mektep (onyń ishinde mektepke deıingi tárbıe men oqytý), negizgi mektep jáne joǵary mektep deńgeıleri boıynsha bilim berý baǵ­dar­lamalarynyń qazirgi zamanǵy modelderin ázirleýdi, olarǵa monıtorıng júrgizýdi, zertteýdi, taldaýdy, baı­qaýdan ótkizýdi, engizý men iske asyrýdy júzege asy­ratyn eksperımenttik alań bolyp tabylady. 3. Qazaqstan Respýblıkasynyń Úkimeti Ýnıversı­tet­tiń jáne Zııatkerlik mektepterdiń quryltaıshysy bolyp tabylady. 4. Qor Ýnıversıtettiń jáne Zııatkerlik mektepterdiń, sondaı-aq olardyń uıymdarynyń qyzmetin qarjylan­dy­rýdy qamtamasyz etý úshin ǵana qordyń uıymdyq-quqyqtyq nysanynda qurylatyn kommersııalyq emes uıym bolyp tabylady. 5-bap. Ýnıversıtettiń jáne Zııatkerlik  mektepterdiń múlki 1. Ýnıversıtettiń jáne Zııatkerlik mektepterdiń múlki: 1) quryltaıshynyń damýǵa arnalǵan nysanaly salymdary; 2) Qazaqstan Respýblıkasy Úkimetiniń sheshimi bo­ıynsha beriletin memlekettik múlik; 3) erikti múliktik jarnalar men qaıyrmaldyqtar; 4) Qor beretin qarjylandyrý; 5) Qazaqstan Respýblıkasynyń zańnamasynda belgilengen jaǵdaılarda taýarlardy, jumystardy ótkizýden, qyzmet kórsetýden túsken túsimder (tabystar); 6) aksııalar, oblıgasııalar men salymdar (depozıtter) boıynsha alynatyn dıvıdendter (tabystar, syı­aqy­lar (múdde); 7) Qazaqstan Respýblıkasynyń zańdarynda tyıym sa­lynbaǵan basqa da túsimder esebinen qalyptasady. Ýnıversıtettiń jáne Zııatkerlik mektepterdiń osy tarmaqqa sáıkes qalyptastyrylǵan múlki olarǵa menshik quqyǵymen tıesili bolady. Ýnıversıtet jáne Zııatkerlik mektepter óz múlkin ózderiniń qurylý maqsattaryna qol jetkizý úshin ǵana paıdalanady. 2. Ýnıversıtet jáne Zııatkerlik mektepter, sondaı-aq olardyń uıymdary Qazaqstan Respýblıkasynyń zań­namasyna sáıkes memlekettik tapsyrma, memlekettik bilim berý tapsyrysyn jáne tegin medısınalyq kómektiń kepildik berilgen kólemin kórsetýge memlekettik tap­syrys alýǵa quqyly. 3. Derbes bilim berý uıymdarynyń múlkine quryl­taı­shynyń múliktik quqyqtary bolmaıdy. Quryltaıshy ózi qurǵan derbes bilim berý uıym­da­ry­nyń mindettemeleri boıynsha jaýap bermeıdi, al olar quryl­taıshynyń mindettemeleri boıynsha jaýap bermeıdi. 6-bap. Ýnıversıtettiń, Zııatkerlik mektepterdiń  jáne Qordyń basqarý organdary 1. Joǵary qamqorshylyq keńes Ýnıversıtettiń, Zııatkerlik mektepterdiń jáne Qordyń joǵary basqarý or­gany bolyp tabylady. Elbasy Nursultan Ábishuly Nazarbaev Joǵary qam­qorshylyq keńestiń tuńǵysh tóraǵasy bolyp tabylady. Joǵary qamqorshylyq keńes týraly erejeni Joǵary qamqorshylyq keńestiń tuńǵysh tóraǵasy bekitedi. 2. Joǵary qamqorshylyq keńestiń qurylymy, qu­zyreti, qalyptasý tártibi, músheleriniń ókilettik merzimderi, onyń sheshimderdi qabyldaý tártibi osy Zańda, sondaı-aq Joǵary qamqorshylyq keńes týraly erejede aıqyndalady. 3. Joǵary qamqorshylyq keńestiń quzyretine: 1) Ýnıversıtettiń, Zııatkerlik mektepterdiń jáne Qor­dyń uzaq merzimdi damý strategııalaryn bekitý; 2) múlikke bılik etý tártibin bekitý; 3) Ýnıversıtettiń, Zııatkerlik mektepterdiń jáne Qor­dyń jarǵylaryna ózgerister men tolyqtyrýlar engizý, olardy jańa redaksııada qabyldaý; 4) Ýnıversıtettiń, Zııatkerlik mektepterdiń jáne Qor­dyń qamqorshylyq keńesterin qalyptastyrý, qam­qorshylyq keńesterdiń múshelerin taǵaıyndaý jáne olardyń ókilettikterin toqtatý; 5) Ýnıversıtetti, Zııatkerlik mektepterdi jáne Qordy qaıta uıymdastyrý, taratý týraly sheshim qabyldaý; 6) Joǵary qamqorshylyq keńes týraly erejege sáıkes ózge de ókilettikter jatady. 4. Turaqty jumys isteıtin qamqorshylyq keńester Ýnıversıtettiń, Zııatkerlik mektepterdiń jáne Qordyń qyzmetine jalpy basshylyqty júzege asyratyn basqarý organdary bolyp tabylady. Ýnıversıtettiń, Zııatkerlik mektepterdiń jáne Qor­dyń qamqorshylyq keńesteriniń qurylymy, quzyreti, qalyptasý tártibi, músheleriniń ókilettik merzimderi, olar­dyń sheshimderdi qabyldaý tártibi osy Zańda, son­daı-aq olardyń jarǵylarynda aıqyndalady. 5. Ýnıversıtettiń, Zııatkerlik mektepterdiń jáne Qordyń qamqorshylyq keńesteriniń quzyretine: 1) jyldyq jáne orta merzimdi bıýdjetterdi bekitý; 2) Ýnıversıtettiń, Zııatkerlik mektepterdiń jáne Qordyń atqarýshy organdarynyń san jaǵynan quramyn aıqyndaý, olardyń basshylary men múshelerin nemese atqarýshy organnyń fýnksııalaryn jeke-dara júzege asy­ratyn adamdardy saılaý, sondaı-aq olardyń óki­let­tikterin merziminen buryn toqtatý; 3) taýarlardy, jumystardy, kórsetiletin qyzmetterdi satyp alý qaǵıdalaryn bekitý; 4) Ýnıversıtettiń, Zııatkerlik mektepterdiń jáne Qor­dyń jarǵylaryna sáıkes ózge de ókilettikter ja­tady. 6. Ýnıversıtettiń jáne Zııatkerlik mektepterdiń qamqorshylyq keńesteriniń quramyna quryltaıshynyń ókilderi, ǵylymı jáne pedagog qyzmetkerler, qoǵamdyq birlestikterdiń ókilderi jáne ózge de adamdar kiredi. Memlekettik qyzmetshiler Ýnıversıtettiń, Zııatkerlik mek­tepterdiń jáne Qordyń basqarý organdaryna ta­ǵa­ıyndalǵan jaǵdaıda olar atalǵan zańdy tulǵalardy basqarýǵa qatysady. 7. Ýnıversıtettiń, Zııatkerlik mektepterdiń jáne Qor­dyń aǵymdaǵy qyzmetine basshylyqty olardyń at­qa­rýshy organdary júzege asyrady. Atqarýshy organdar alqaly nemese jeke-dara bolýy múmkin. Ýnıversıtettiń, Zııatkerlik mektepterdiń jáne Qor­dyń atqarýshy organdary Joǵary qamqorshylyq ke­ńes­tiń, Ýnıversıtettiń, Zııatkerlik mektepterdiń, Qordyń qam­qorshylyq keńesteriniń sheshimderi negizinde jáne olardy oryndaý úshin jumys isteıdi jáne olarǵa esep beredi. Ýnıversıtettiń, Zııatkerlik mektepterdiń jáne Qor­dyń atqarýshy organdarynyń qurylymy, quzyreti, qalyptasý tártibi men ókilettik merzimderi olardyń jarǵylarynda aıqyndalady. 8. Ýnıversıtette, Zııatkerlik mektepterde jáne Qorda olardyń jarǵylaryna sáıkes ózge de organdar qurylýy múmkin. 7-bap. Ýnıversıtetti, Zııatkerlik mektepterdi  jáne Qordy qaıta uıymdastyrý, taratý 1. Ýnıversıtet, Zııatkerlik mektepter jáne Qor osy Zańǵa, Qazaqstan Respýblıkasynyń zańnamasyna jáne olardyń jarǵylaryna sáıkes qaıta uıymdastyrylýǵa, taratylýǵa jatady. 2. Ýnıversıtet, Zııatkerlik mektepter, Qor tara­tyl­ǵan kezde kredıt berýshilerdiń talaptary qanaǵat­tan­dyrylǵannan keıin qalǵan múlik olardyń quryltaı qujattarynda kórsetilgen maqsattarǵa jumsalady. 3-taraý. ÝNIVERSITET, ZIIаTKERLIK MEKTEPTER JÁNE QOR QYZMETINIŃ AIRYQShA QUQYQTYQ REJIMI 8-bap. Ýnıversıtettiń jáne Zııatkerlik mektepterdiń bilim berý qyzmetin lısenzııalaý, attestattaý jáne akkredıtteý 1. Ýnıversıtet, Zııatkerlik mektepter, olardyń uıym­dary, sondaı-aq Ýnıversıtette jáne (nemese) Zııatkerlik mektepterde bilim berý baǵdarlamalaryn engizetin jáne (nemese) iske asyratyn sheteldik zańdy tulǵalar bilim berý qyzmetin lısenzııasyz júzege asyrady. 2. Qazaqstan Respýblıkasynyń bilim týraly zań­namasynda kózdelgen memlekettik attestattaý Ýnıversıtetke jáne Zııatkerlik mektepterge qatysty júr­gizilmeıdi. 3. Ýnıversıtetti jáne Zııatkerlik mektepterdi akkredıtteýdi táýelsiz, onyń ishinde sheteldik akkredıtteý uıymdary júzege asyrady. 9-bap. Ýnıversıtettiń bilim berý qyzmetin  júzege asyrý erekshelikteri 1. Ýnıversıtet bilim berý qyzmetin óz betinshe ázir­legen bilim berý baǵdarlamalary, sondaı-aq sheteldik áriptesteriniń bilim berý baǵdarlamalary negizinde jú­zege asyrady. 2. Bilim berý qyzmetin uıymdastyrý, oqýǵa qabyldaý, bilim alýshylardyń úlgerimin aǵymdaǵy baqylaý, olar­dy aralyq jáne qorytyndy attestattaý tártibin Ýnıversıtet óz jarǵysyna sáıkes óz betinshe aıqyndaıdy. Ýnıversıtette bilim alýshylar memlekettik aralyq baqylaýdan bosatylady. 3. Ýnıversıtet bilim berý qyzmetterin kórsetý shar­tynyń nysanyn óz betinshe bekitedi. 4. Ýnıversıtette bilim alýshylarǵa memlekettik grant­tar men ózge de tólemderdiń mólsherin jáne olardy berý tártibin Qazaqstan Respýblıkasynyń Úkimeti aı­qyndaıdy. 5. Ýnıversıtet ózinde iske asyrylyp jatqan bilim berý baǵdarlamalary boıynsha oqý bitirgen jáne qo­ry­tyndy attestattaýdan ótken adamdarǵa tıisti bilim jáne (nemese) biliktilik deńgeıi týraly qujattar beredi. Bilim týraly qujattardyń biryńǵaı nysanyn jáne olar­dy toltyrý tártibin Ýnıversıtettiń qamqorshylyq ke­ńesi bekitedi. 6. Ýnıversıtet beretin tıisti bilim jáne (nemese) biliktilik deńgeıi týraly qujattar ózderiniń ıelerine bilim týraly memlekettik úlgidegi qujattardyń ıeleri úshin kózdelgen quqyqtardy beredi. 10-bap. Zııatkerlik mektepterdiń bilim berý  qyzmetin júzege asyrý erekshelikteri 1. Zııatkerlik mektepter óz betinshe ázirlegen bilim berý baǵdarlamalaryn, sondaı-aq sheteldik áriptesteriniń bilim berý baǵdarlamalaryn iske asyrady. Zııatkerlik mektepterde iske asyrylatyn bilim berý baǵdarlamalary mynadaı: bastaýysh mektep (onyń ishinde mektepke deıingi tárbıe men oqytý), negizgi mektep jáne joǵary mektep deńgeılerinen turady. 2. Bilim berý qyzmetin uıymdastyrý, oqýǵa qabyldaý, bilim alýshylardyń úlgerimin aǵymdaǵy baqylaý, olar­dy aralyq jáne qorytyndy attestattaý tártibin Zııatkerlik mektepter óz betinshe aıqyndaıdy. Zııatkerlik mek­tepterde bilim alýshylar memlekettik aralyq baqy­laýdan bosatylady. 3. Zııatkerlik mektepterde bilim alǵan adamdar ulttyq biryńǵaı testileýden bosatylady. 4. Zııatkerlik mektepter ózderinde iske asyrylyp jatqan bilim berý baǵdarlamalary boıynsha oqý bitirgen jáne qorytyndy attestattaýdan ótken adamdarǵa tıisti bilim deńgeıi týraly qujattar beredi, olar bilim týraly memlekettik úlgidegi qujattarǵa teńestiriledi. Bilim tý­raly qujattardyń biryńǵaı nysanyn jáne olardy tol­tyrý tártibin Zııatkerlik mektepterdiń qamqorshylyq keńesi bekitedi. 5. Zııatkerlik mektepterdi bitirgennen keıin bilim týraly qujat alǵan adamdarǵa bilim berý salasyndaǵy ýákiletti organ bilim berý granttaryn alýǵa arnalǵan konkýrsqa qatysý úshin ulttyq biryńǵaı testileýdiń nátıjeleri týraly sertıfıkattar beredi. Sertıfı­kat­tar­dyń baldary bilim berý salasyndaǵy ýákiletti organ bekitetin shákil boıynsha qorytyndy baǵalardy (bal­dardy) aýystyrý arqyly belgilenedi. 11-bap. Ýnıversıtettiń ǵylymı jáne (nemese) ǵylymı-tehnıkalyq qyzmetti júzege asyrýy 1. Ýnıversıtet ǵylymı jáne (nemese) ǵylymı-teh­nıkalyq qyzmetti júzege asyrady, granttyq, baǵdar­la­malyq-nysanaly qarjylandyrý jáne Qazaqstan Res­pýb­lıkasynyń zańnamasynda tyıym salynbaǵan ózge de qarjylandyrý kózderi esebinen ǵylymı zertteýler júrgizedi. 2. Ýnıversıtet salalyq ǵylymı ortalyqtar qurýǵa qu­qyly. 3. Ýnıversıtet jáne onyń salalyq ǵylymı orta­lyqtary Qazaqstan Respýblıkasynyń ǵylym týraly zańnamasynda kózdelgen olardyń ǵylymı jáne (nemese) ǵylymı-tehnıkalyq qyzmetin akkredıtteýden bosa­tylady. 4. Ýnıversıtet ǵylymı jáne (nemese) ǵylymı-tehnıkalyq qyzmet nátıjelerin praktıkada qoldanýǵa (kommersııalandyrýǵa) qatysýǵa quqyly. Ýnıversıtettiń jáne onyń salalyq ǵylymı ortalyq­tarynyń ǵylymı jáne (nemese) ǵylymı-tehnıkalyq qyzmet nátıjelerin praktıkada qoldaný (kommersııa­landyrý) nátıjesinde alynǵan tabystary tek qana olardy damytýǵa jumsalady. 12-bap. Ýnıversıtettiń, Zııatkerlik mektepterdiń jáne  Qordyń sheteldik jumys kúshin tartý erekshelikteri 1. Ýnıversıtet, Zııatkerlik mektepter, olardyń uıym­dary, sondaı-aq Qor sheteldik qyzmekterlerdi basshy jáne joǵary bilimdi mamandar laýazymdaryna tartýdy sheteldik jumys kúshin tartýǵa beriletin ruqsatty al­maı-aq júzege asyrady. 2. Ýnıversıtette nemese onyń medısınalyq uıym­darynda medısınalyq qyzmetpen aınalysý quqyǵyn beretin nemese kásiptik medısınalyq qyzmetti júzege asyrýǵa shaqyrylǵan mamandardyń shetelde alǵan biliktilik sanatyn kýálandyratyn qujat Qazaqstan Respýb­lı­kasynyń aýmaǵynda sanat berilmeı-aq qoldanylatyn maman sertıfıkatyna teńestiriledi. 13-bap. Qorytyndy erejeler 1. Osy Zań alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. 2. Osy Zań qoldanysqa engizilgen kezden bastap alty aı ishinde quryltaıshy Ýnıversıtetti jáne Zııatkerlik mektepterdi, onyń ishinde jarǵylyq kapıtalyna memleket qatysatyn tıisti zańdy tulǵalardy qaıta uıym­das­tyrý arqyly qurý týraly sheshim qabyldaıdy. 3. Joǵary qamqorshylyq keńes Ýnıversıtettiń, Zııatkerlik mektepterdiń jáne Qordyń jarǵylaryn qabyl­da­ǵanǵa deıin atalǵan uıymdar olardyń quryltaıshylary bekitken jarǵylar negizinde jumys isteıdi. Qazaqstan Respýblıkasynyń Prezıdenti N.NAZARBAEV. Astana, Aqorda, 2011 jylǵy qańtardyń 19-y.    №394-IV QRZ