«Atyraý» fýtbol klýbynyń jattyqtyrýshysy qyzmetten ketti

ATYRAÝ. 12 mamyr. «Atyraý» fýtbol klýbynyń bas jattyqtyrýshysy Vladımır Nıkıtenko jumysynan ketý jónindegi ótinishin berdi. Klýb basshylyǵy bas bapkerdiń ótinishin qabyl aldy. Bul týraly «Atyraý» fýtbol klýbynyń baspasóz qyzmetine silteme jasaǵan egemen.kz tilshisi habarlady. 59 jastaǵy Vladımır Nıkıtenko 2014 jyldyń jazynda «Atyraý» fýtbol klýbynyń bas jattyqtyrýshy qyzmetin qolǵa alǵan bolatyn. Onyń bapkerligimen atalǵan klýb ótken maýsymdy 5-shi orynmen aıaqtady. Al bıylǵy maýsymnyń 10 týr oıyndarynan bir jeńiske ǵana qol jetkizip, 7 upaımen 9-orynda turaqtap tur. Jattyqtyrýshy 9 mamyrda «Aqtóbe» fýtbol klýbymen aradaǵy kezdesý 1:0 esebimen aıaqtalǵannan keıin qyzmetinen ketýge sheshim qabyldapty. Qazir «Atyraý» fýtbol klýbynyń basshylyǵy jańa bas bapker izdeýge kiristi. Ázirge jattyqtyrýshy mindetin atqarý assısent Iýrıı Konkovqa júkteldi. Joldasbek Shópeǵul. Derek: «Atyraý» fýtbol klýbynyń baspasóz qyzmeti. Foto: Rahym Qoılybaev.