Soltústik Qazaqstanda 925 shetel azamaty ákimshilik jazaǵa tartyldy.

PETROPAVL. 12 mamyr. Soltústik Qazaqstan oblysynda kóshi-qon zańdaryn buzǵany úshin 925 sheteldik azamatqa ákimshilik shara kórilip, aıyppul salyndy. Bul týraly oblystyq ishki ister departamentiniń baspasóz qyzmetine silteme jasaǵan egemen tilshisi habarlady. Elimizde 2014 jyldan beri sheteldikterge zańdy túrde jumysqa ornalasý ruqsaty berilse de, jumys kúshin zańsyz paıdalaný tyıylmaı keledi. Osy sebepti 152 oblys turǵyny ákimshilik jaýapkershilikke tartylyp, 1,6 mıllıon teńge aıyppul salyndy. Kóshi-qon normalaryn saqtamaǵany úshin 925 shetel azamyna ákimshilik shara kórildi. «Jyl basynan beri 558 sheteldik azamatqa zańdy eńbekpen aınalysýǵa ruqsat berildi. Olardyń basym kópshiligi О́zbekstan, Ázirbaıjan, Tájikstan elderinen kelgen. Kóktemgi-jazǵy dala jumystarynyń bastalýyna baılanysty sheteldikterdiń kelý tasqyny kóbeıedi dep kútilýde. Sondyqtan jan-jaqty saqtyq sharalaryn kúsheıtýdemiz», – deıdi oblystyq kóshi-qon polısııasy basqarmasynyń basshysy Erketaı Tutqyshev. О́mir Esqalı. Derek, foto: Soltústik Qazaqstan oblystyq ishki ister departamentiniń baspasóz qyzmeti.