PETROPAVL. 12 mamyr. Qyzyljar aýdanynyń turǵyny Vıktor Emelıanov kelesi jyly 1,5 tonna forel balyǵyn saýda oryndaryna ótkizýdi mejelep otyr. Bul týraly egemen.kz tilshisi habarlady.
Jas kásipker aýmaǵy 20 gektardy qamtıtyn, tereńdigi 14 metrdi boılaıtyn «Kamennaıa starısa» sý qoımasyn jalǵa alyp, balyqtyń birneshe túrin ósirýge belsene kiristi. Ol úshin byltyr Reseıdiń Túmen oblysynan 300 forel shabaǵyn ákelip, kólge jibergen. Olar túgelge jýyq qystan aman shyǵyp, árqaısysynyń salmaǵy jarty kılodan kem bolmaǵan.
«Forel balyǵy taza sýda tez ósetindikten, toǵandardyń talapqa saı bolýyn qatty qadaǵalaımyz. Úlken suranysqa ıe. Bir kılosy 2-2,5 myń teńgege jeteǵabyl», – deıdi ol.
Aıta keteıik, kásipker forel balyǵyn ótkizýge saýda núktelerimen kelisim-shart jasasqan.
О́mir Esqalı.
Derek, foto: egemen.kz.
