Alaıaqtar zeınetkerdiń 4 mln. teńgeden astam aqshasyn alyp ketti

QOSTANAI. 12 mamyr. Qostanaıda ózin «saqtandyrý agenti» dep tanystyrǵan áıel 80 jastaǵy qarııanyń 4 mıllıonnan asa teńgesin alyp ketken. Bul týraly oblystyq ishki ister departmenti baspasóz qyzmetine silteme jasaǵan egemen.kz tilshisi habarlady. Qostanaı kósheleriniń birinde kele jatqan 80 jastaǵy qarııany jas áıel toqtatyp, ózin saqtandyrý agentimin dep tanystyrǵan. Ol kempirge aqshany qunsyzdandyrmaı saqtaýdyń joldaryn túsindiredi, sondyqtan jıǵan aqshasyn saqtandyrýdy usynady. Qarııanyń aıtýynsha, aılaker áıel ony «aqsha qunsyzdanyp jatyr, saban bolyp qalady» dep qorqytqan. «Saqtandyrý» úshin qarııa bankten 4 mıllıon  teńgeden asa aqshasyn alǵan. «Agent» áıel bankten shyqqan soń zeınetkerge bank qyzmetkerin shaqyrýdy ótinedi. Ol bankten qaıta shyqqanda «saqtandyrý agentiniń» izi de qalmaǵan. Polısııa oblys turǵyndaryn ózderi anyq bilmeıtin kúdikti usynystarǵa abaı bolýǵa shaqyrdy. Qazir alaıaqtardy ustaýǵa polısııa kúshi jabyldy, osy is boıynsha sotqa deıingi tergeý jumystary júrgizilýde. Názıra Járimbetova. Derek, foto: Qostanaı oblystyq ishki ister departmentiniń baspasóz qyzmeti.