TARAZ. 12 mamyr. Jambyl oblysynyń ákimi Kárim Kókirekbaev Qazaqstan Respýblıkasyndaǵy Fransııanyń tótenshe jáne ókiletti elshisi Fransıs Etenmen kezdesti. Kezdesý barysynda Jambyl oblysynyń ınvestısııalyq múmkindikteri talqylandy. О́ńirdegi «jasyl ekonomıka» boıynsha atqarylyp jatqan jumystar, hımııa ónerkásibin jandandyrý, týrızmdi damytý jaıynda áńgime qozǵaldy.
«Jambyl oblysy «jasyl ekonomıka» boıynsha aldyńǵy qatarda turǵan óńirlerdiń biri. Kún, jel, sý elektr stansııalary jumys isteıdi. 2020 jylǵa deıin balamaly qýat kózderinen óndirilgen energııa oblys suranysynyń 30-40 paıyzyn qamtıdy dep kútilýde. Bul joǵary kórsetkish. Biz bolashaqta Fransııa memleketimen de baýyrlastyq arqyly jumys isteýge ázirmiz. Qazirdiń ózinde Reseı, Qytaı, Belarýs elderiniń birqatar oblystarymen tyǵyz qarym-qatynas ornattyq. Birlesken jobalarymyz bar», dedi kezdesý barysynda Jambyl oblysynyń ákimi K. Kókirekbaev.
Munan soń qos tarap 2010 jyly Indýstrıalandyrý kartasyna enip, Moıynqum aýdanynda iske qosylǵan sement zaýytynyń búgingi tynys-tirshiligine toqtaldy. Kásiporyn ústimizdegi jyldyń birinshi toqsanynda 1,7 mlrd. teńgeniń ónimin óndirgen.
«Jumys sapary barysynda sizderdiń óńirde iske asyrylyp jatqan jobalarmen tanystyq. Biz óte qýanyshtymyz. Ásirese mamandardyń kásibıligine rızamyz. Bolashaqta sizderge shaǵyn jáne orta bıznes salasynda óz jobalarymyzdy usynyp, tabysty jumys isteımiz», deıdi Qazaqstan Respýblıkasyndaǵy Fransııanyń tótenshe jáne ókiletti elshisi Fransıs Eten.
Oralhan Dáýit.
Derek, foto: egemen.kz
