Shymkentte soǵysta qaza tapqandarǵa taǵzym etildi

ShYMKENT. 12 mamyr. Shymkenttegi Túrkistan saraıynda «Otan qorǵaýshylar kúni atalyp ótti. Bul týraly egemen.kz tilshisi habarlady. Jıynda sóz alǵan oblys ákimi Beıbit Atamqulov: «Qarýly Kúshter qatarynda áskerı qyzmet atqarý – Otan aldyndaǵy kez kelgen er azamattyń asyl jáne abyroıly paryzy. Biz búgin erlik pen batyldyqtyń ólsheýsiz úlgisin kórsetken Uly Otan soǵysy men Aýǵan soǵysynyń otty joldarynan ótken jaýyngerlerdiń rýhynyń aldynda taǵzym etip, basymyzdy ıemiz. Sizder ásker sapynda ata-analaryńyzdyń, súıikti jarlaryńyz ben balalaryńyzdyń tynyshtyǵyn kúzetip, asa jaýapty qyzmet etip jatyrsyzdar. Aǵa urpaq pen jas býynnyń Otanymyzdy qorǵap, qyzmette aıtýly úles qosqanyn biz árqashanda maqtan tutamyz!», dedi. Saltanatty keshte eldiń qorǵanys qabiletin kúsheıtip, ulttyq qaýipsizdikti qamtamasyz etip júrgen azamattar marapattaldy. Merekelik basqosý «El qorǵany erlerim» teatrlanǵan kórinisine ulasty. Baqtııar Taıjan. Derek, foto: egemen.kz