Ońtústik Qazaqstanda múlikti zańdastyrýǵa 5551 ótinish tústi

ShYMKENT. 12 mamyr. Ońtústikte múlikti zańdastyrý barysy jaqsy ótip jatyr. Bul týraly oblystyq qarjy basqarmasynyń basshysy K.Mendebaevtyń baıandamasyna silteme jasaǵan egemen.kz tilshisi habarlady. Atalǵan shara bastaý alǵaly jalpy oblys boıynsha 2016 jyldyń 1 mamyryna deıin (zańdastyrý sharasy 2014 jyldyń 1 qyrkúıeginen bastalǵan bolatyn) aýdan jáne qala ákimdikteri janyndaǵy komıssııalarmen quny 51.1 mlrd.teńgeni quraıtyn 5551 ótinishter qabyldanyp, osy ótinishterden quny 38,9 mlrd. teńgeni quraıtyn 4440 nysan zańdastyrylǵan. Onyń 3678-i turǵyn úıler (quny 26,3 mlrd. teńge) bolsa, 762 nysan (quny 12,6 mlrd. teńge) kommersııalyq jáne basqa nysandar bolyp tabylady. Sonymen qatar, Qazaqstan Respýblıkasy aýmaǵynan tys jerlerde ornalasqan múlikter boıynsha quny 8 mln.teńgeni quraıtyn 13 nysan jáne 8 mlrd.teńge aqsha zańdastyrylǵan. Sondaı-aq, jıyn kezinde múlikti jarııa etý Zańyna ózgeris engizilgennen sátten bastap (13.11.2015j.) zańdastyrylǵan múlikterdiń sany artqany aıtyldy. Máselen, 2015 jyldyń 1 jeltoqsanyna 24,5 mlrd.teńgege jyljymaıtyn múlikter zańdastyrylǵan bolsa, tek sońǵy bes aıdyń ózinde 14,4 mlrd.teńgeniń múlki zańdastyrylyp, ósim 58.8 paıyzdy quraǵan. Baqtııar Taıjan. Derek, foto: egemen.kz